Josua 2:19 - Buka Blahi Ka Cheke Holo

¹⁹ Jame ihei te jifla ka suga igne, eghuteuna lehe ka ghehati teuna, tuana nakhibogna thegna, ghehati ginauna theome au papara tagna. Nu jame kaisei ka ghehati te aknu falehe kaisei te au ke lamnagna suga igne na, ghehati ginauna au papara tagna.

Josua 2:19 Iomraidhean Croise

Fapea Samuel 4:11

Eghume, kate tei phei mae te diꞌa igre te faleheni kaisei mae te doglo te thuru teu ka nogna suga na, glehedi phei mae igre ginauna thono diꞌa fara. Ka narane gognaro igne ghopa na dofi ghami ka nauthoglu igne!”

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Eksodas 12:13

U dadara te ghiha ghotilo ka nomi sugare igne falalase ghau iara aheva te au teu ghotilo na. Kate filoni iara u dadara igne na, iara na ghasa polho ghami ghotilo. Eghuteuna ghotilo ginau na theome nanga nomi kau glehe nate eni iara ranghidi naiknodi Ijep gre.

Eksodas 12:22

Totofa soru dadara gna na ka dis biꞌo eghuteuna atha kaisei grege ikoi ka gaju hisop mala nhaꞌa lao ka dadara te au ka dis na. Eghuteuna ghiha katha vido dadara ka phei phile grengatha re nei jaola ke kligna grengatha na eghu. Ghotilo mala au kolho lamna suga, thosei jifla kosi ghilei rane.

Eksodas 12:23

Ka bongi tuana Lord ginau na tei ka vido te gnafa ka kantri Ijep gne mala falelehe mae sua nalhaꞌu teke kulu karha ka naiknodi Ijep. Kate filodi Mana u dadara te au ka geridi nomi grengatha ghotilo re, Mana ginau na ghasa polho ghami ghotilo. Eghuteuna Mana na theome snakreni engel te mala falehe naikno na te ruma te mala falelehe thumi ghotilo re.

Levitikas 20:11

“Jame kaisei mae tapla jafra ka khetogna kmagna na, mana famamajani kmagna na. Eghume ghotilo aknu falehedi repa, glehedi repa igne najafradi thedi repa.

Levitikas 20:9

“Jame kaisei naikno tibrini idogna ba kmagna na, ghotilo aknu faleheni mana, eghuteuna glehegna mana na najafra gna thegna.

Matiu 24:17

Mae ihei te au ka thagrugna nogna suga na, thosei soru tei hata fajifla nogna glepore ka nogna suga na.

Mae Khuru 18:6

Nu mae Jiure ne tirodi fatutuani di nogna farirhiu mae Pol. Eghuteuna mae Pol ne buebue ka nogna phoko na kaisei fagaglana God theome magnahaghedi naikno tuare, ne cheke eghu, “Te fate falehe ghami ghotilo God ginauna, tuana nomi puhi ghotilo themi, theome nogu najafra iara! Funu gognaro na iara ginauna na tei toutonuni u Nonomho te Keli igne ranghidi naikno te theome Jiu.”

Mae Khuru 20:26

Eghume te chekeni iara ka ghotilo gognaro na: Ihei te tei ka nabrougna glehe na puhigna thegna, theome puhigu iara.

Mae Khuru 27:31

Nu mae Pol ne cheke eghu ka mae funei biꞌodi hatimare mae armi nei hatimare mae soldia, “Te theome au kmu teu mae boskru gre ka vaka gne, God ginauna na theome fakarhi ghami ghotilo.”

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Josua 2:12

“Gognarona iara magnahaghei ghami ghopa te eni kaisei nhaꞌa cheke ka nanghagna nomi God na mala theome eni kaisei glepo te diꞌa ka iara baludi tharaknagu iara igre, jateula te eni iara ka ghopa gognarogne eghu. Ghopa na eni kaisei fagaglana ranghi ghau iara mala tutuani nomi nhaꞌa cheke na.

Josua 2:14

Aonu phei mae igre ne cheke eghu ka naꞌa, “Snakreni Lord mala falehe ghami ghepa jame te theome leghuni ghepa nhaꞌa cheke igne. Eghuteuna jame te theome chekeni iagho ka ihei nga eigna glepo te eni ghepa igne na, ghepa ginauna na theome eni kaisei glepo te diꞌa ka ghotilo. Eghuteuna kate snakreni Lord kantri igne ka ghehati na, ghehati ginauna keli ranghi nigho iagho baludi iheire fateo ka tharaknamu iagho igne.”

Josua 2:20

Nu neuba, jame te toutonudi iagho unha te edi ghepa agne igre na, ghehati ginauna na theome tajini nhaꞌa cheke igne.”