Josua 2:12 - Buka Blahi Ka Cheke Holo

¹² “Gognarona iara magnahaghei ghami ghopa te eni kaisei nhaꞌa cheke ka nanghagna nomi God na mala theome eni kaisei glepo te diꞌa ka iara baludi tharaknagu iara igre, jateula te eni iara ka ghopa gognarogne eghu. Ghopa na eni kaisei fagaglana ranghi ghau iara mala tutuani nomi nhaꞌa cheke na.

Josua 2:12 Iomraidhean Croise

Jenesis 21:23

Eghume iagho mala nhaꞌa cheke ke ulugna God te mala thosei chaghi ghau iara ginauna ba thugu iara gre, ba gragu iara gre. Iagho mala lolokeli ghau iara nei iheire la ngau eghu te au ka kantri te mei au teu iagho igne, jateula teke eni iara ka iagho tifa ia eghu.”

Jenesis 24:3

Iara magnahaghei nigho iagho te mala nhaꞌa cheke ka nanghagna Lord God, mae ihei te fnakno kligna nei pari teu igne. Thosei hata kaisei gaꞌase agne Kenan ka kantri te au teu iara igne te mala khetogna mae thugu iara mae Isak gne.

Jenesis 24:9

Aonu mae gloku na ne habo lao ka thinigna mae Ebraham nogna mae funei na ne nhaꞌa cheke ka mana eigna igne.

Jenesis 40:14

Kate au glealeꞌa teu iagho kate loku ranghini teu mana na iagho ke ghatho mei ghau iara eghu. Iagho kokhoni ghau iara mala ke toutonu ka mae king mala ke hata fajifla ghau iara mana ka bara igne.

Fapea Kronikols 36:13

King Nebukadnesa huhuruni Sedekaea mala eni kaisei nhaꞌa cheke mala leghuni mana. Nhaꞌa cheke igne, phiamare eni ka nanghagna God. Nu ke leghu na, mae Sedekaea ne huhughuni nhaꞌa cheke igne, eghuteuna mana ne theome leghuni King Nebukadnesa. Mana patugama fara ne theome magnahaghei te tughu nagnafa mala teke pulo mei ka Lord.

Nogna Buka Esta 8:6

King, jame te theome gnafa puhi igne na, iara ginauna thofno diꞌa nagnafagu fara. Naugna naiknogna kantri igne ginauna falehedi kheragu, nei vikegu teu iara igre. Eghume, iara nabagu na mala jaola lehe baludi.”

Eksodas 12:13

U dadara te ghiha ghotilo ka nomi sugare igne falalase ghau iara aheva te au teu ghotilo na. Kate filoni iara u dadara igne na, iara na ghasa polho ghami ghotilo. Eghuteuna ghotilo ginau na theome nanga nomi kau glehe nate eni iara ranghidi naiknodi Ijep gre.

Profet Jeremaea 12:16

Mare mala filo leghudi puhidi nogu naikno iara re. Tifa te mei na, mare neke farirhiudi nogu naikno iara re mala pogho soru ka god Baal, eghuteuna eni nodi nhaꞌa cheke na ka nanghagna Baal. Nu gognarona mare mala nhaꞌa cheke ka nanghagu iara Lord kolho.

Nonomho Te Keli Teke Risoi Mae Mak 14:44

Mae Judas ne kulu cheke ranghidi mare kaisei fagaglana. Mana ne cheke eghu ka mare, “Mae ihei te lao gnanghoni iara na, ngala mae Jisas na. Lolhoku famaku mala hata tei.”

Letas Teke Riso Tei Mae Pol Ka Khiloau Rom 1:31

Mare theome ghaoghatho fakeli, eghuteuna mare lase chaichaghi fara, theome kokhonidi keha naiknore.

Ululahu Timoti 5:8

Naugna ihei te theome eni kaisei glepo te mala toghoni vikegna ba tulao tharaknagna thegna na, mana figri tagrunihi nogna fatutuani na. Puhigna mae igne thono diꞌa fara uludi naikno te theome fatutuani ni God.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Josua 2:13

Ghopa eni kaisei nhaꞌa cheke ka iara mala fakarhidi idogu, kmagu, greghagu, thabusigu nei tharaknagu fateote'o. Ghotilo ginauna mala thosei falehe ghami ghehati hui.”

Josua 2:18

Nu igne unha te mala eni iagho na. Kate mei ghehati na, iagho hata gnarho ukru igne mala fagefe soru ka wida teke farurhu soru ghami ghepa iagho ka phukri igne mala laseni ghehati nou suga iagho na. Eghuteuna iagho idomu, kmamu, greghamu, thabusimu teu igre balu tharaknadi mala mei au fodu ka suga igne.

Josua 2:19

Jame ihei te jifla ka suga igne, eghuteuna lehe ka ghehati teuna, tuana nakhibogna thegna, ghehati ginauna theome au papara tagna. Nu jame kaisei ka ghehati te aknu falehe kaisei te au ke lamnagna suga igne na, ghehati ginauna au papara tagna.

Josua 6:22

Mae Josua ne cheke eghu ka phei mae teke tei filoni namono igne, “Ghopa tei ruma ka sugagna Rehab mala hata fajiflani naꞌa baludi tharaknagna na, leghuni unha teke nhaꞌa chekeni ghopa ka naꞌa na.”

Josua 9:15

Mae Josua nei mae lida di Israel teu igre ne nhaꞌa cheke baludi maedi Gibeon mala loku fodu baludi mare te mala au ka pharikeli na.

Jajis 1:24

Kate tei na, mare ne filoni kaisei mae te jifla mei ka namono igne ne cheke faheta eghu ka mana, “Jame te falalase iagho ka ghehati nabrou te mala tei lamna ka namono igne na, ghehati ginauna kokhoni nigho iagho.”

Ululahu Samuel 30:15

Mae Devet ne ghusna eghu ka mana, “Ba, iagho tangomana te atha ghami ghehati te tei ka vido aheva te au teu mare na?” Mana ne cheke eghu, “Uve, iara tangomana jame te nhaꞌa cheke iagho ka nanghagna God te mala thosei falehe ghau iara na, eghuteuna thosei ke snakre fapulo ghau iara ka nogu funei na teuna, iara ginauna na atha ghami ghotilo tei.”