Josua 2:10 - Buka Blahi Ka Cheke Holo

¹⁰ Ghehati nomhinihi thoutonu eimi ghotilo kate jiflami Ijep ia! Lord neke famojani Thongna Ukru na neke kasa ghotilo ka glose te moja. Eghuteuna ghehati jaola nomhinihi thoutonu eimi ghotilo te falehedi king Sihon ghe king Og, phei mae ka vikegna Amo te au ke maghati Khoꞌu biꞌo Jordan. Ghotilo neke falehedi phei mae igre baludi nodi naikno te gnafara.

Josua 2:10 Iomraidhean Croise

Nodi Khoje Hatimare Mae Jiu 74:15

Glokha nei khoꞌu biꞌo eghu teke kafe khaprahi re iagho neke fafuafura haghedi, eghuteuna khoꞌu biꞌo teke theome khapra funu tifare, iagho neke fakhapradi.

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Naba 23:22

God neke batu fajifladi mare funu Ijep. Mare nheta fara jateula buluka mata te fakaukathu te theome tangomana kaisei naikno te lokuni ra eghu.

Naba 24:8

Lord na neke batu fajifla ghami ghotilo Ijep. Ghotilo nheta fara ka magra jateula buluka mata te theo kaisei mae te lokuni ra eghu. Eghume ghotilo ginauna goigonidi nomi mae naoka re. Eghuteuna, ghotilo ginauna lolhopa nhubradire nei fadi falehedi ka nomi khuali re.

Diutronomi 2:30

Nu King Sihon ne theome snakre ghita tahati te tei salaꞌu ka nogna namono na, naugna Lord neke eni gaoghathogna king mala patugama. Lord neke eni igne mala tangomana tahati te uluni King Sihon.

Josua 24:12

Kate mei namo ghotilo te mala magra ka mare na, iara neke edi mare mala mhaghu ghami ghotilo. Uve, mare ne jateula kaisei mae te mhaghu khuma fakaukathu ra neu ne mhaghu nodi fara ne rikha ghami ghotilo. Iara neke eni igne mala tangomana ghotilo te ngolhidi phei nodi king vikegna Amoa. Uve, iara neke uludi mare ka nogu nolaghi iara. Ghotilo theo nomi nolaghi te mala aknu falehedi mare ka nomi naflahi nei nomi phaloho teu themi.

Josua 4:24

Kate filodi glepo igre, naikno te gnafa ka nauthoglu igne ginauna laseni Lord te au nolaghi biꞌo na, eghuteuna tahati ginauna ghatho tahuni fabrahu mana.”

Josua 5:1

King te gnafadi Amo te au ke mosu Khoꞌu biꞌo Jordan igre, nei king te gnafadi Kenan te au rhegna Thongna Mediterenian igre eghu mare ne nomhini thoutonu eigna Lord te fakrangoni Khoꞌu biꞌo Jordan te kasa naiknodi Israel igne. Aonu mare ne thofno mhaghudi fara maedi Israel igre ne thofno glaꞌe soru gaoghathodire.

Josua 9:10

Eghuteuna ghehati jaola nomhidi unha te edi mana ka phei nodi king maedi Amoraet te au ke maghati rhegna Khoꞌu biꞌo Jordan. King Sihon maegna kantri Hesbon ghe king Og maegna kantri Besan, nei namono biꞌo Astarot.