Josua 18:16 - Buka Blahi Ka Cheke Holo

¹⁶ Eghuteuna ke soru paka ka pesigna thogele ke raru glogu Refaem aheva glogu Hinom eghuteuna tei salaꞌu ka keha phile namono Jebus eghuteuna tei posa ke mata glokha khoꞌu En-Rogel.

Josua 18:16 Iomraidhean Croise

Fapea Samuel 17:17

Aonu mae Jonatan thugna mae Abiata ghe mae Ahimas thugna mae Sadok, phiamare ofo neu ka glokha khoꞌu En-Rogel ke kosi Jerusalem, naugna phiamare ne mhaghu nodi fara te tei lamna namono na. Glahu tharukhae nodi ka keha naikno. Aonu kaisei gaꞌase ne tei toutonu ka phiamare unha te edi ka narane tuare, mala tei phiamare cheke ka King Devet.

Fapea Samuel 5:18

Hatimare mae Filistia jaola ne mei ikotongana ka glogu Refaem.

Ululahu Kings 1:9

Kaisei narane mae Adonaeja ne tei fafara ka Thina Mogo, rhegna glokha khoꞌu En-Rogel. Ka vido igne, mana ne falehe sipu, buluka nei sua buluka te blokha mala fafara. Eghuteuna mana kilodi mae thabusigna thegna re, baludi hatimare mae biꞌodi Juda te loku ranghini king, mala tei ghamu ka fafara igne.

Fapea Kings 23:10

King ne thofno goigoni fara kaisei vido blahi te mala pogho soru mare na jare ka namono Tofet ka glogu Ben-Hinom mala theome tangomana naiknore te gahu thudi re ka khaꞌaghi te fafara ka god Molek.

Ululahu Kronikols 14:9

Soldia di Filistia igre mei ne magra ka glogu Refaem.

Fapea Kronikols 28:3

Eghuteuna mana gahu fafara mala tarai ka keha god delei ka glogu Ben-Hinom. Eghuteuna glepo te thono diꞌa fara te eni mana na, mana gahu ka khaꞌaghi mae thugna re mala fafara ka god igre. Ka puhi igre, mana thofno leghudi puhidi naiknodi tifa te diꞌa ra, naikno igre Lord neke khi fajifladi ka nodi vido glose naiknodi Israel.

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Profet Isaia 30:33

Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.

Profet Jeremaea 19:11

Iagho cheke eghu ka mare, ‘Lord mae ihei te au nolaghi fateote'o igne ne cheke eghu: Iara ginauna na jaola goigoni ni fara nomi namono nei kantri teu ghotilo igne, mala jateula suspen te phosa te diꞌa igne eghu mala theome tangomana kaisei naikno teke salo fodu na nghuja igre. Eghuteuna namono Tofet igne ginauna vido mala giugilui, eghuteuna vido igne ginauna fodu ka thinidi maedi Juda.

Profet Jeremaea 19:2

Eghuteuna ghotilo jifla ka grengathagna namono biꞌo Jerusalem te kiloi mare, Grengatha Naphosa Suspen Glose igne mala soru ka glogu Hinom. Ka vido igne iagho ginauna toutonu ka mare cheke teke tusu ari iara ka iagho ra.

Profet Jeremaea 19:6

Naugna igne, naiknore ginauna theome kiloni vido igne, Tofet ba Glogu Hinom, nu mare ginauna kiloni Glogu Mala Falehe Naikno.

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Josua 15:63

Nu vikegna mae Juda igre theome tangomana te ngolho fajifladi vikegna mae Jebus teke au Jerusalem funu tifa igre. Naikno igre au ngala baludi vikegna mae Juda ghilei mei posa gognarogne.

Josua 18:28

nei Sela, nei Haelef, nei Jebus, keha nanghagna na Jerusalem, nei Gibea, nei Kiriat-Jaerim. Igre nabotho fati namono te au ka rijon igne baludi namono ikodi te au faligohodi mare. Igre glose vikegna Benjamin te khotodi re.

Jajis 1:21

Nu vikegna Benjamin igne neke theome ngolhi fajifladi vikegna Jebus teke au Jerusalem igre, naugna igne mare snakreni vikegna Jebus igne mala au fabrahu kolho baludi mare ka namono igne.

Jajis 1:8

Maedi Juda igre tei ne magra Jerusalem. Mare uluni namono igne ne aknu falehe ne gnafa naikno te au jare re, eghuteuna mare ne nhako namono igne.

Jajis 19:10

Nu gognarona mae igne tirogna teke thuru ka namono igne. Aonu mana balu fapea khetogna na, nei nogna mae gloku na, nei phei nogna dongki re eghu ne jifla ka namono igne. Eghuteuna kate mei namo ka namono Jebus te kiloi Jerusalem igne la romno fara hi. Mae gloku na ne cheke eghu ka nogna funei na, “Ei, funei, tahati na ari thuru Jebus!”