Josua 18:12 - Buka Blahi Ka Cheke Holo

¹² Fofotagna rijon igne funu ka Khoꞌu biꞌo Jordan, eghuteuna tei kasa ka keha phile na ke holo thogele ke raru Jeriko, eghuteuna ke figri tei ke holo ka thogele rijon ke mosu tei posani namono nagou Bet-Aven.

Josua 18:12 Iomraidhean Croise

Profet Hosia 10:5

Buluka gol te au ka namono Betel igne ginauna diꞌa, eghuteuna naikno te au ka namono biꞌo Samaria na igre ginauna mhaghu nodi nei diꞌanagnafa eghu ka buluka igne. Naikno te gnafa baludi mae pris igre ginauna tanhi nei diꞌanagnafa eghu eigna mumuju buluka igne. Naugna mae Asiria igre ginauna hata koko gol teke au ka thinigna mumuju buluka igne.

Profet Hosia 4:15

“Ghotilo naiknomi Israel, ghotilo jateula gaꞌase vine eghu tei koko ghau iara. Nu ghotilo naiknomi Juda ra, ghotilo thosei leghudi nafnata puhi te diꞌa te edi naiknodi Israel igre. “Ghotilo thosei tei ka namono Gilgal, ba Bet-Aven mala tei tarai ka mumuju, ba tei mala nhaꞌa cheke ka nanghagu iara mae ihei te karha te tifa.

Profet Hosia 5:8

Lord ne cheke eghu, “Ghotilo maemi ka namono Gibea, Rama, Betel, nei Benjamin teura, ghotilo kufli mala tarabana tei ka magra.

Josua 16:1

Igre glose te khotodi vikegna mae Josep. Nohi ke mata na funu ka Khoꞌu biꞌo Jordan rhegna Jeriko eghuteuna tei me posani glokha khoꞌu ke maghati Jeriko, eghuteuna ke tei ke lamna namono nagou. Tei salaꞌu Jeriko eghuteuna tei me posani thogele Betel,

Josua 18:11

Kate tufa Josua glose igre, vido glose ulu lahu na tei ka vikegna Benjamin. Nodi rijon mare na au farihotei nodi rijon vikegna Juda nei nodi rijon vikegna Efrem.

Josua 2:1

Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.

Josua 3:16

khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.

Josua 6:1

Ka narane tuana maedi Jeriko igre ne bobotho famaku grengathagna namono biꞌo na, naugna mare mhaghuni armi gna Israel. Theo kaisei mae te tangomana te jifla kosi na, ba te ruma mei lamna na.

Josua 7:2

Kate au teu mare Jeriko igne, mae Josua ne kurudi keha mae mala tei poru mala filoni namono Ai. Namono igne au ka kaisei thogele ke maghati Betel rhegna namono Bet-aven. Kate filoni namono igne,

Josua 8:15

Aonu mae Josua balu nogna tothoghei soldia na chaghini mana ne rikha ne tei ka namono nagou na.

Ululahu Samuel 13:5

Aonu mae soldia di Filistia igre ne kafe mei mala magra ka naiknodi Israel. Mare au thilo thogha chariot mala magra, eghuteuna namno thogha soldia mala chari ka hose, eghuteuna keha mae soldia langau eghu, mare kmana fara jateula nusu ka gratha ra eghu. Mare tei ne au ka namono Mikmas ke maghati Bet-Aven.