Josua 18:10 - Buka Blahi Ka Cheke Holo

¹⁰ Eghuteuna jare Saelo ke ulugna Lord, mae Josua ne lalahu khale mala laseni rijon aheva Lord nate tusu lao ka vike igre te mala khotogna na. Igne unha te eni Josua kate tufa mana rijon igre ka fitu vike te theome khotogna kaisei glose na.

Josua 18:10 Iomraidhean Croise

Ululahu Kronikols 24:5

Phei tharakna igre kafe au nodi mae pris nei mae biꞌo eghu ka Sugablahi na. Aonu mae Devet, mae Sadok nei mae Ahimelek, thilo mare ne lalahu khale mala laseni mae ihei nate hata nafnata gloku tuana. Tuana puhi te eni thilo mare te fofotadi mare ka puhi te doglo.

Nehemaea 11:1

Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Nodi Khoje Hatimare Mae Jiu 47:4

Mana magnahaghei fara ghita vikegna mae Jekob na, naugna tahati nogna naikno mana. Eghuteuna vido te au teu tahati te fahaehagheni teu tahati igne, mana neke vahini mala noda tahati neku.

Nodi Khoje Hatimare Mae Jiu 61:5

God, iagho la nomhidihi unha teke nhaꞌa chekedi iara ka iagho ra. Eghuteuna iagho la fameihi ka iara unha te maladi iheire te ghatho tahu nigho re.

Proveb 18:18

Jame te theome tangomana kot te fadoglini fapholai farihoteidi phei mae biꞌo igre na, kot tangomana te lalahu khale mala laseni ihei te uluni fate na.

Profet Jeremaea 7:12

“ ‘Ghotilo neke tei Saelo neke filodi unha teke edi iara ka namono biꞌo tuana. Ulu lahu na iara neke vahini namono igne mala pogho soru ghau iara mae kuꞌemi ghotilo tifa ra. Nu iara neke filoni puhi te diꞌa teke eni mare na.

Profet Esikiel 47:22

Eghuteuna ghotilo ginauna khotogna fabrahu. Naiknodi keha kantri te au balumi ghotilo are nei iheire te karha thudi ka namono igne, mare ginauna jaola au nodi glose balumi ghotilo. Ghotilo ginauna gaoghathodi naikno igre jateula teke karha mei ka vikegna Israel eghu kolho.

Profet Esikiel 48:29

“Igne puhi te mala fofota ghotilo glose igne na, mala khotogna naiknodi Israel. Iara Lord God te chekeni igne!”

Profet Maeka 2:5

Eghume, ke leghugna narane Lord na teke tusu fapulo glose igne ka nogna naiknore, mare nake tufa glose igne. Nu theo kaisei naikno ka tharaknami ghotilo re nate atha kaisei glose.

Naba 34:16

Lord ne cheke eghu ka mae Moses,

Matiu 27:35

Aonu ke leghugna te tupijuruni mae Jisas ka gaju fafatha na, mae soldia re ne tufa nogna pohe mana re fari hoteidi thedi, kate lalahu khale na.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Mae Khuru 13:19

God neke paꞌe fahuidi fitu vike teke au ka namono Kenan, eghuteuna ke snakre lao namono tuana ka nogna naikno thegna re.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Kolose 1:12

Eghuteuna ghotilo ginauna gleale'a balu cheke fakelini Kmada. Mana ne fatangomana ghami ghotilo te hatini u nakarha teke kulu tarabanahi maladi nogna naikno te au kligna ka nauthoglu te phae fabrahu na.

Josua 14:2

Mare ne fofota glose igne leghui unha teke chekeni Lord ka mae Moses tifa na. Mare ne lalahu khale mala laseni vido glose aheva Lord nate snakre lao ka nheva vike mare igre, baludi keha vido vikegna mae Manase, te theo kaisei nodi vido glose.

Josua 14:5

Tuana puhi te eni mae lida di Israel kate tufa mare glose na thofno leghuni unha teke chekeni Lord ka mae Moses tifa.

Josua 18:11

Kate tufa Josua glose igre, vido glose ulu lahu na tei ka vikegna Benjamin. Nodi rijon mare na au farihotei nodi rijon vikegna Juda nei nodi rijon vikegna Efrem.

Josua 18:8

Mae igre tei ne eni unha teke chekeni mae Josua ka mare na.

Josua 18:9

Mare ne tei tongana ka vido te gnafa ka glose igne, eghuteuna mare ne rioriso soru gobigna lepo eigna te tufa mare glose igne ka fitu rijon baludi namono te au ke lamnagna rijon igne. Kate nonohi te gnafa vido igre, mare neke figri ka mae Josua Saelo.

Josua 23:4

Eghuteuna iara la snakre arihi glose te funu ka Khoꞌu biꞌo Jordan ke maghati na tei gnafa ka Thongna Mediterenian ke mosu na. Uve, iara jaola snakre arihi nodi glose keha naiknoi teke uludi tahati ka magra ra nei baludi glose ka keha naiknoi te theome uludi nga teu tahati ra.