Josua 17:5 - Buka Blahi Ka Cheke Holo

⁵ Vikegna mae Manase igre ne khotogna nabotho rijon ke mosu Khoꞌu biꞌo Jordan baludi phei rijon Gilead ghe Basan te au ke maghati Khoꞌu biꞌo Jordan.

Josua 17:5 Iomraidhean Croise

Josua 13:11

Mare neke jaola nake atha nodi glose mae Gilead tei posa ka nodi nohi mae Gesu nei mae Maka nei keha vido ka Thogele Hemon nei keha vido ka nohi Besan tei posa ka namono Saleka.

Josua 17:14

Vikegna Josep igre mei ka Josua ne cheke eghu ka mana, “Gognarona, ghehati la kmana fara naugna Lord ne fablahi ghami. Eghume ghehati magnahaghei nigho iagho te snakre mei keha glosei ka ghehati.”

Josua 17:4

Gaꞌase igre tei ne filodi pris biꞌo Eliesa ghe mae Josua nei keha nodi lida mae Israel. Reꞌe ne cheke eghu, “Tifa na, neke cheke ka mae Moses mala snakre mei keha glose ka ghehati, mala jateula keha mae thabusimi ghehati te au nodi glose igre eghu, mala jaola ngau ghehati mala au nomi glose themi.” Aonu mae lida igre ne eni unha teke chekeni Lord ka mae Moses tifa ia. Eghuteuna mare ne snakre lao ka rijon aheva hatimare thabusigna te khotogna, mala tangomana mare te au nodi tagna.

Josua 17:6

Mare eni igne naugna goro gaꞌase igre jaola khotodi glose baludi keha mae ka vikedi mare igre, mala tangomana mare te khoto glose kate au mare tagna na. Nu glose Gilead igre, mare la snakre laohi ka keha vido gaga vikegna mae Manase mala khotogna.