Josua 17:16 - Buka Blahi Ka Cheke Holo

¹⁶ Nu mare ne cheke eghu, “Neuba jame te eni ghehati tuana, theome naba glose malami ghehati ka thogele na are, eghuteuna ghehati jaola theome tangomana te au ka sare na. Naiknodi Kenan te au ka namono Bet-San baludi namono ikodi te au faligohodi mare are, eghuteuna naikno te au ka glogu Jesrel na are thono nheta fara naugna mare au chariot mala magra te horo mare ka aean.”

Josua 17:16 Iomraidhean Croise

Ululahu Kings 18:45

Eghuteuna theome raugha, gromno igne ne thafru ka maloa na, eghuteuna nuri na ne funu ghaghafa mei, aonu nakhete biꞌo na ne soru mei funu kligna. Eghume King Ehab ne saghe ka nogna chariot na neke pulo Jesrel.

Ululahu Kings 18:46

Eghuteuna nogna nolaghi Lord na ne mei ka mae Elija, eghuteuna mana ne haru famaku nogna pohe na ne chari uluni King Ehab ne kulu tei Jesrel.

Ululahu Kings 21:1

Igne thoutonu eigna nogna nagare grep mae Nebot te au rhegna nogna suga biꞌo King Ehab jare Jesrel.

Ululahu Kings 21:23

“Lord ne cheke eghu eigna Kuin Jesebel, ‘Khuma ginauna mei ghamu thinigna Jesebel na ke kosi namono Jesrel.’

Ululahu Kings 4:12

Mae Bana thugna mae Ahilud, mana mala reireghidi phei namono biꞌo Tanak ghe Megido, nei vido te gnafa ka namono biꞌo Bet-San. Vido igne namo ka namono biꞌo Saretan ke mata namono biꞌo Jesrel. Fofota gna nohi igne tei posa ka namono biꞌo Abel Mahola eghuteuna ka namono biꞌo Jokmeam.

Fapea Kings 9:10

Eghuteuna Jesebel gne, khuma ginauna ghamu thini gna na ka namono Jesrel. Eghuteuna theo kaisei naikno nate giugilui thinigna naꞌa na.’ ” Aonu mae profet majaghani igne jifla ka suga na ne rikha.

Fapea Kings 9:37

Thinigna na ginauna naga tafri jateula chara eghu pari ka glose na, mala theome tangomana kaisei naikno te cheke eghu na, ‘Igne Jesebel na.’ ”

Profet Jeremaea 49:2

Nu kate thoke mei narane na, naikno gna namono biꞌo Raba ginauna nomhini te kufli mae naokare. Mare ginauna paꞌe sukha namono igne, eghuteuna mare ginauna gnubra ka khaꞌaghi namono te gnafa te au faligohoni namono igne. Israel ginauna mei brue fajifladi naiknodi Amon teke atha fajifla mare igre.” Igne cheke gna Lord.

Josua 15:56

nei Jesrel, nei Jokdeam, nei Sanoa,

Josua 17:11

Vikegna Manase igne au keha namono ke lamnagna nogna rijon Asa nei nogna rijon Isaka, nanghadi re Bet-San ghe Ibleam, baludi namono ikodi te au falithui igre, baludi namono Endo, nei Tanak, nei Megido nei Doa te au ka geri thongna.

Josua 17:15

Nu Josua ne cheke eghu ka mare, “Uve, jame te kmana fara tutuani ghotilo na eghuteuna thogele re theome nabami ghotilo teuna, te keli na ghotilo tei ka nodi glose vikegna Peres, nei ka nodi glose vikegna Refaem, mala tei tobi ka vido igre mala au ghotilo tadi.”

Josua 17:17

Josua ne cheke eghu ka mare, “Vike ghotilo igre kmana naikno fara, eghuteuna ghotilo jaola nheta fara ka magra na. Eghume, iara ginauna snakre ari keha glosei ka ghotilo.

Josua 17:18

Ghotilo ginauna tangomana te hata thogele are, funu ka phile igne tei posa ka keha phile gno. Tutuani namhata igre nathuꞌa fara, nu ghotilo tangomana te tobi fagae mala au ghotilo tagna. Eghuteuna jaola tutuani naiknodi Kenan igre au nodi chariot teke horo ka aean, eghuteuna mare nheta ka magra na, nu ghotilo tangomanau ngala te ngolhi fajifladi re naikno tuare.”

Josua 19:18

Namono ke lamnagna rijon igne na: Jesrel, nei Kesulot, nei Sunem,

Jajis 4:13

mana ne kaikaliti nheva gobi chariot mala magra baludi nogna mae soldiare, eghuteuna mana ne kuru teidi Haroset-Ha-Goeim mala tei ka khoꞌu biꞌo Kison.

Jajis 4:3

Sisera au nheva gobi chariot mala magra te au aean wil. Eghuteuna naiknodi Israel igre au ke parigna nogna nolaghi mana nabagna varadaki finogha. Ka narane tuare mana ne faparadi fara naiknodi Israel. Aonu mare ne tanhi lao ka God mala toghodi.

Jajis 6:33

Theome raugha ke leghugna igne, armigna Midian, nei armigna Amalek, nei armigna ke maghati namono nagou teu igre ne kafe mei jateula kaisei armi biꞌogna Midian neu. Eghuteuna mare ne kasa ka Khoꞌu biꞌo Jordan ne au fodu ka sare biꞌo Jesrel.

Ululahu Samuel 29:1

Aonu armi gna Filistia ne loku fodu ka namono Afek, eghuteuna hatimare mae Israel ne mei lisei haghe nodi suga tapuale rhegna glokha khoꞌu Jesrel.