Josua 17:13 - Buka Blahi Ka Cheke Holo

¹³ Neuba vikegna Israel igne ne kegra heta ke leghu na, mare theome ngolhi fajifladi nu huhurudi naiknodi Kenan igre mala loku jateula naikno sneka eghu mare.

Josua 17:13 Iomraidhean Croise

Jenesis 49:15

Iagho ginauna na filoni kaisei vido te keli te mala aumu na, eghuteuna kate au teu iagho jare na, vikemu iagho re ginauna na keli tadi te mala loku jateula naikno sneka teu iagho ranghidi keha naiknore.

Fapea Samuel 3:1

Kaisei narane ke leghugna igne, magra farihoteidi naikno te leghuni king Sol nei naikno te leghuni king Devet teu igre ne theome gnafa. Eghuteuna mae te leghuni mae Devet igre ne nheta fara ne tapla sorudi mae te leghuni king Sol igre.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Josua 16:10

Vikegna mae Efrem igre theome ngolhi teidi kolho naiknodi Kenan te au ka namono Gesa. Mare au fodu kolho baludi mare mei posa gognarogne, nu vikegna mae Efrem igne huhurudi naiknodi Gesa mala loku jateula naikno sneka eghu.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Jajis 1:28

Kate kmana te vuragha naiknodi Israel igre na, mare ne huhurudi naiknodi Kenan igre mala nodi naikno gloku. Nu neubane naiknodi Israel igre kmana, mare theome khi fajifladi naiknodi Kenan igre.

Jajis 1:30

Eghuteuna vikegna Sebulun igne theome khi fajifla naiknodi Kenan te au phei namono Kitron ghe Nahalol. Vike igne snakredi mare mala au kolho ka phei namono igre baludi mare, nu mare huhurudi naiknodi Kenan mala nodi naikno gloku.

Jajis 1:33

Eghuteuna vikegna Naftali igne theome khi fajifladi naiknodi Kenan te au ka phei namono Bet-Semes ghe Bet-Anat. Aonu vike igne snakredi mare mala au kolho baludi ka phei namono tuare, nu mare huhurudi mala nodi naikno gloku.

Jajis 1:35

Eghuteuna vikegna Amoa igne au fabrahu ka thilo namono Aejalon, nei Salbim, nei Har-Heres. Ke leghu na, vikedi Efrem ghe Manase igre thofno rheta fara, mare ne funei frunini vikegna Amoa eghuteuna huhurudi mala nodi naikno gloku.