Josua 17:11 - Buka Blahi Ka Cheke Holo

¹¹ Vikegna Manase igne au keha namono ke lamnagna nogna rijon Asa nei nogna rijon Isaka, nanghadi re Bet-San ghe Ibleam, baludi namono ikodi te au falithui igre, baludi namono Endo, nei Tanak, nei Megido nei Doa te au ka geri thongna.

Josua 17:11 Iomraidhean Croise

Fapea Samuel 21:12

mana tei Jabes Gilead neke hata fapulo nhubradi king Sol ghe mae Jonatan. Nhubradi phei mae igre au jare, naugna naiknodi Jabes Gilead igre neke hata poru thinidi phei mae igre Bet-San tifa ka narane teke lehe king Sol Gilboa ka hatimare mae Filistia. Mare neke fagefe haghe thinidi mae king Sol ghe mae Jonatan igre fari hotei glalaba ka namono Bet-San.

Ululahu Kings 9:15

King Solomon ne huhurudi mare mala loku ka nogna Sugablahi Lord na, balugna nogna suga biꞌo thegna na. Mare fafodu glose ka gerigna thogele Jerusalem mala tangomana mare te horo suga jare na, eghuteuna mare jaola ne bara ne ligoho namono na ka thina. Eghuteuna mare ne horo thilo namono biꞌo, Haso, Megido nei Gesa.

Fapea Kings 9:27

King Ahasaea filoni Jehu te aknu faleheni King Joram igne ne figri nogna chariot na rikha ne tei Bet-Hagan. Nu mae Jehu ne ngolho leghuni mana ne cheke eghu ka nogna mae soldiare, “Fadi faleheni!” King Ahasaea ne leghu nabrou ne tei Gua, eghuteuna kate tei namo ka namono Ibleam igne, mare ne fadini King Ahasaea. Nu mana rikha ne tei thoke Megido ne lehe jare.

Ululahu Kronikols 6:70

Eghuteuna keha nodi namono vikegna mae Kohat igre au ka nodi glose vikegna mae Manase ke mosu Khoꞌu biꞌo Jordan. Igre nanghadi phei namono tuaro, Anea ghe Bileam. Eghuteuna mare tufa namono igre ka mae Kohat balu vido glose te au famane buburu te keli.

Ululahu Kronikols 7:29

Aonu vikegna mae Manase gne hata vido glose ke rarudi namono biꞌo Bet-San, Tanak, Megido nei Doa, baludi namono te au faligohoni namono igne. Vido glose te au vike igne, nodi vido glose vikegna mae Josep thugna mae Israel.

Fapea Kronikols 35:22

Nu King Josia ne tirogna fanomho ka chekegna God teke cheke ranghini King Neko. Nu mana heta ghegna ne tei magra. Eghuteuna kate tei ka magra na, mana pipichi ka pohe te jafra, mala theome tangomana mae soldiadi Ijep igre te filo glani ni mana na. Aonu mana tei ne magra ka sare biꞌo Megido.

Nodi Khoje Hatimare Mae Jiu 83:10

Iagho neke falehedi phei mae igre ka namono biꞌo Endo, eghuteuna thinidire neke boto jare.

Profet Jeremaea 49:2

Nu kate thoke mei narane na, naikno gna namono biꞌo Raba ginauna nomhini te kufli mae naokare. Mare ginauna paꞌe sukha namono igne, eghuteuna mare ginauna gnubra ka khaꞌaghi namono te gnafa te au faligohoni namono igne. Israel ginauna mei brue fajifladi naiknodi Amon teke atha fajifla mare igre.” Igne cheke gna Lord.

Profet Sekaraea 12:11

Ka narane tuana, naiknodi Jerusalem ginauna tanhi fara, jateula teke tifa ia eghu, naiknore tanhi ka namono Hadad-Rimon ka sare rhegna namono Megido.

Josua 11:2

Eghuteuna mana jaola ne fatei cheke ka hatimare mae king te au ka thogele ke raru. Mana jaola fatei cheke ka hatimare mae king te au ka sare khoꞌu Jordan ke mata nei ka thogele ikoi ke mosu thogele Kholo Galili, nei ka mae king gna ke mosu te au ka namono Nafot Dor.

Josua 12:21

Tanak ghe Megido,

Josua 12:23

Dor rhegna tongna ghe Goim ka vido Gilgal,

Josua 17:10

Vikegna Efrem igre au ke mata, eghuteuna vikegna Manase igre au ke raru, eghuteuna fofotadi phei rijon igre leghu glogu tei gnafa ke mosu Thongna Mediterenian. Nodi rijon vikegna Asa na au ke mosu fei ke raru, eghuteuna nodi rijon vikegna Isaka na au ke maghati fei ke raru.

Josua 17:16

Nu mare ne cheke eghu, “Neuba jame te eni ghehati tuana, theome naba glose malami ghehati ka thogele na are, eghuteuna ghehati jaola theome tangomana te au ka sare na. Naiknodi Kenan te au ka namono Bet-San baludi namono ikodi te au faligohodi mare are, eghuteuna naikno te au ka glogu Jesrel na are thono nheta fara naugna mare au chariot mala magra te horo mare ka aean.”

Jajis 1:27

Ka narane tuare, vikegna Manase igre theome kafe khi fajifladi gnafa naiknodi Kenan igre ka nodi vido glose na. Naiknodi Kenan igre au kolho ka namono Bet-San, nei Tanak, nei Doa, nei Ibleam, nei Megido, nei ka namono ikodi te au faligohodi namono tuare.

Jajis 5:19

“Hatimare mae king mei mala magra. Uve, hatimare mae king di Kenan igre mei ka magra. Neubane eghu ngau, namono Tanak rhegna khoꞌu Megido, mare theome uluni kaisei glepo te keli te mala hata fapulo na.

Ululahu Samuel 28:7

Aonu mana ne cheke eghu ka nogna mae biꞌo re, “Ghotilo tei hironi kaisei naikno biꞌo te lase cheke ka tharungadi naikno tela lehe hira mala laseni iara cheke tughu gna na.” Mare ne cheke eghu ka mana, “Kaisei naikno biꞌo te lase cheke baludi tharungadi naikno tela lehehi tifa ra naꞌa au ka namono Endo.”

Ululahu Samuel 31:10

Mare ne lilisei nogna glepo mala magra mae Sol re ka nogna Sugablahi god gaꞌase Astarot. Aonu mare ne fagefe haghe thinigna mana na ka gringni thina biꞌogna namono Bet-San.

Ululahu Samuel 31:12

ne jifla bongiro ne tei atha thinigna mae Sol na baludi thinidi thilo mae thugna mana re Bet-San. Mare pala thinidi fati mae igre neke pulo Jabes ne gnubra jare.