Josua 17:1 - Buka Blahi Ka Cheke Holo

¹ Aonu mare ne snakre lao glose ke mosu Khoꞌu biꞌo Jordan igne ka vikegna mae Manase thugna ululahu mae Josep. Nanghagna thugna nalhaꞌu ululahu mae Manase na mae Makia, eghuteuna thugna mana na mae Gilead. Eghuteuna mae Moses neke tusu laohi phei glose igre Gilead ghe Basan te au ke maghati khoꞌu Jordan igre naugna mae igre mae soldia keli.

Josua 17:1 Iomraidhean Croise

Jenesis 41:51

Aonu mae Josep ne cheke eghu, “God neke togho ghau iara ne ghatho ihodi iara khabrugu ra nei vikegu teura eghu.” Aonu mana ne kiloni thugna teke karha ulu lahu na Manase. Gaoghathogna na “Iara ne ghatho ihodi.”

Jenesis 41:52

Mae Josep ne jaola ne cheke eghu, “God neke tusu mei thugu ka namono te au diꞌanagnafa iara igne.” Aonu mana ne kiloni fapea thugna na Efraim. Gaoghathogna na “God ne tusu ranghi ghau iara sua.”

Jenesis 46:20

Kate au teu Ijep na mae Josep neke tolaghi ka Asenat, thugna gaꞌase mae Potifera. Mae Potifera gne, mana mae pris ka namono biꞌo Heliopolis. Mae Josep ghe Asenat ne karha phei thudi nanghadire mae Manase ghe mae Efrem.

Jenesis 48:17

Kate filoni mae Josep te habo lao mae kmagna na khame nhetagna na ka pha'ugna mae Efraim na, mana ne diꞌanagnafa fara eigna mae thugna na. Aonu mae Josep ne hata khame nhetagna mae kmagna na ne nhaꞌa lao ka pha'ugna mae Manase na.

Jenesis 48:18

Mae Josep ne cheke eghu ka mae kmagna na, “Mama, iagho eni fajafrau. Mae Manase nga gneu teke kulu karha na. Habo lao sagho khame nhetamu na ka pha'ugna mana na.”

Fapea Samuel 2:9

Jare mare ne fablahini mae Isboset mala nodi king mae Israel. Mae Isboset ne king frunidi phei rijon, Gilead ghe Jesrel. Mana jaola ne fiofilodi nohi Asa, Efrem nei Benjamin.

Ululahu Kronikols 2:23

Nu naiknodi phei namono biꞌo Gesua ghe Aram igre mei ne magra ne hata namno salei namono biꞌo igre. Naikno te au ka vido igre, vikegna mae Makia kmagna mae Gilead.

Profet Esikiel 47:13

Lord God ne cheke eghu, “Igre nohigna glose te mala tufa ghotilo ka nabotho phei vikegna Israel. Phei vikegna Josep, phei vido glose.

Naba 27:1

Glima gaꞌase igre neke mei mala filodi mae Moses ghe mae pris Eron nei mae lida, eghuteuna naiknodi Israel te au ka grengatha gna Suga Thapuale te blahi na. Nanghadire igre, Mala, Noa, Hogla, Milka nei Tiasa. Goro gaꞌase igre neke thugna gaꞌase mae Selofehad mae ihei ka tharakna gna mae Hefa ka tharakna gna mae Gilead ka vikegna mae Makia, thugna mae Manase teke thugna mae Josep.

Naba 32:33

Aonu Moses ne tufa lao ka vikegna mae Gad nei vikegna mae Ruben, nei keha mae ka vikegna Manase teure u namono biꞌo teke funei fruni mae king Sihon gna Amoa nei namono biꞌo te funei fruni mae king Og gna Basan.

Diutronomi 21:17

Kate tufa mana nogna gobigna lepo re, mana falalase ihei teke kulu karha na, thugna gaꞌase teke theome namhani fara mana na. Neuba glepo te tusu lao mana ka fapea nalhaꞌu na igre, mana mala tusu lao phia fata ka glepo igre ka thugna ulu lahu na naugna ulu lahu nei nogna nolaghi eghu mana.”

Josua 17:2

Eghuteuna glose ke mosu Khoꞌu biꞌo Jordan igre, mae Josua neke snakre laohi ka keha vido gaga ka vikegna mae Manase nanghadi re, mae Abiesa, nei mae Helek, nei mae Asriel, nei mae Sekem, nei mae Hefa, nei mae Semida.

Jajis 5:14

Mare ka vikegna Efrem igre soru pari ka glogu. Mare leghuni tei vikegna Benjamin, kheradi mare ra. Mae te nheta ka vikegna Makia ra nei mae biꞌo ka vikegna Sebulun igre jaola soru mei.