Josua 16:3 - Buka Blahi Ka Cheke Holo

³ Aonu, figri tei ke mosu aheva te tei te posani fofotagna nodi nohi vikegna mae Jaflet tifa ia, eghuteuna ke tei me posani namono te kiloi Bet-Horon Pari, eghuteuna ke tei me posani namono Gesa, eghuteuna tei me gnafa ka Thongna Mediterenian.

Josua 16:3 Iomraidhean Croise

Ululahu Kronikols 20:4

Ke leghu, armigna Israel neke tei magrai ka armigna Filistia ka namono Gesa. Ka narane tuana, mae Sibekae maegna Husa, mana ne aknu faleheni mae Saf, kaisei mae soldia nheta ka vikegna mae Rafa maegna Filistia, mae igre mae biꞌo nei nheta fara eghu. Eghuteuna mare ne thofno uluni armigna Filistia.

Ululahu Kronikols 7:24

Mae Efrem ne au kaisei thugna gaꞌase, nanghagna na, Shira. Gaꞌase igne ne edi thilo namono, kaisei na Bet-Horon ke holo, eghuteuna kaisei na Bet-Horon ke paka, eghuteuna kaisei na Usen-Shira.

Ululahu Kronikols 7:28

Vikegna mae Efrem igre, mare au ka namono Betel ka nodi vido glose thedi na. Nodi vido glose mare igne funu ka namono biꞌo Naran ke maghati na baludi namono te au faligohoni namono igne, tei posa ka namono biꞌo Sekem ke raru na, baludi namono te au faligohoni namono igne, tei posa ka namono biꞌo Gasa ke mosu na, baludi namono te au faligohoni namono igne. Eghuteuna tei posa ka namono biꞌo Aea ke mata na, baludi namono te au faligohoni namono igne.

Fapea Kronikols 8:5

Eghuteuna King Solomon jaola ne babana fakeli Bet-Horon te au ke kligna thogele nei Bet-Horon te au ka pesigna thogele na. Mare bara ne ligoho ka thina phei namono igre, eghuteuna grengathagna bara igne mare bibilakhi ka aean brahu.

Naba 34:6

Eghuteuna ke mosu na, fofotagna ka jari khoꞌu ikoi ke holo leghuni gerigna Thongna Mediterenian ke raru.

Josua 10:33

Ke leghu, King Horam jifla Gasa ne tei toghodi maedi Lakis. Nu mae Josua ne uluni mae king igne nei mae iheire teke toghoni manare. Eghuteuna mae Josua ne falehedi ne gnafa naiknore ne theo kaisei te karha na.

Josua 18:13

Fofota igne tei ke mata thogele rhegna namono Lus, keha nanghagna namono igne Betel. Eghuteuna fofota igne sukha Atarot tei salaꞌu ka keha phile ke paka thogele biꞌo Bet-Horon.

Ululahu Samuel 13:18

Eghuteuna keha tothoghei na ne leghuni ne tei nabrou ke mosu Bet-Horon. Eghuteuna fatilo tothoghei na ne tei ka thogele aheva mare tangomana te filo soru ka glogu Seboim ke maghati namono nagou.