Josua 16:10 - Buka Blahi Ka Cheke Holo

¹⁰ Vikegna mae Efrem igre theome ngolhi teidi kolho naiknodi Kenan te au ka namono Gesa. Mare au fodu kolho baludi mare mei posa gognarogne, nu vikegna mae Efrem igne huhurudi naiknodi Gesa mala loku jateula naikno sneka eghu.

Josua 16:10 Iomraidhean Croise

Ululahu Kings 9:15

King Solomon ne huhurudi mare mala loku ka nogna Sugablahi Lord na, balugna nogna suga biꞌo thegna na. Mare fafodu glose ka gerigna thogele Jerusalem mala tangomana mare te horo suga jare na, eghuteuna mare jaola ne bara ne ligoho namono na ka thina. Eghuteuna mare ne horo thilo namono biꞌo, Haso, Megido nei Gesa.

Ululahu Kings 9:16

Tifa na king gna Ijep na neke magra ka namono Gesa. Mana uluni namono igne neke gnubra ka khaꞌaghi, eghuteuna mana aknu falehe naiknodi Kenan teke au ka namono igne. Kate tolaghi ka King Solomon thugna gaꞌase na, king gna Ijep igne ne snakreni namono igne ka thugna gaꞌase na, jateula kaisei nogna namha neku ka naꞌa.

Josua 10:33

Ke leghu, King Horam jifla Gasa ne tei toghodi maedi Lakis. Nu mae Josua ne uluni mae king igne nei mae iheire teke toghoni manare. Eghuteuna mae Josua ne falehedi ne gnafa naiknore ne theo kaisei te karha na.

Josua 15:63

Nu vikegna mae Juda igre theome tangomana te ngolho fajifladi vikegna mae Jebus teke au Jerusalem funu tifa igre. Naikno igre au ngala baludi vikegna mae Juda ghilei mei posa gognarogne.

Josua 17:12

Funu tifa te ghilei mei posa ka narane gognarogne naiknodi Kenan igre au ngala baludi naiknodi Israel igre, naugna mae Israel theome tangomana te ngolhi fajifladi ka namono igre.

Josua 17:13

Neuba vikegna Israel igne ne kegra heta ke leghu na, mare theome ngolhi fajifladi nu huhurudi naiknodi Kenan igre mala loku jateula naikno sneka eghu mare.

Jajis 1:29

Eghuteuna vikegna Efrem igne jaola theome khi fajifladi naiknodi Kenan te au ka namono Gesa igre. Eghume vike igre snakredi mare mala au kolho ka namono igne baludi mare.