Josua 15:17 - Buka Blahi Ka Cheke Holo

¹⁷ Mae Otniel batudi mare mala hata namono igne. Mae Otniel gne karha ka mae Kenas, thabusigna mae Kelab. Eghume, mae Kelab snakre lao thugna gaꞌase na ka mae Otniel mala tolaghi repa.

Josua 15:17 Iomraidhean Croise

Ululahu Kronikols 2:49

Eghuteuna ke leghugna igne Maka neke karha phei thugna nalhaꞌu, nanghadi phei mae igre, mae Saf ghe mae Seva. Mae Saf ne eꞌei namono biꞌo Madmana. Eghuteuna mae Seva ne eꞌei phei namono biꞌo Makbena ghe Gibea. Eghuteuna mae Kaleb au kaisei thugna gaꞌase, nanghagna na Aksa.

Ululahu Kronikols 27:15

Ka fabotho phei nhigra na, mae Heldae maegna ka namono Netofa ka vikegna mae Otniel, mana te batuni fabotho phei tothoghei na. Mare varadaki fati thogha soldia ka tothoghei igne.

Ululahu Kronikols 4:13

Mae Kenas neke au phei thugna nalhaꞌu, mae Otniel ghe mae Seraea. Mae Otniel ne au phei thugna nalhaꞌu. Nanghadi phei mae igre, mae Hatat ghe mae Meonotae.

Naba 32:12

Nu mae Kaleb thugna mae Jefune, ka tharaknagna mae Kenas nei mae Josua thugna mae Nun eghu kolho te tangomana tei jugru ka vido tuana. Naugna phiamare ne ghatho tahu ghau iara.’

Josua 14:6

Keha maedi Juda ne tei Gilgal ka mae Josua. Eghuteuna mae Kaleb thugna mae Jefune igne, mana kaisei mae ka vikegna mae Kenas. Mana ne cheke eghu ka mae Josua, “Kani au teku tahati ka namono Kades Banea, Lord neke cheke ka mae Moses nogna mae gloku na eidi unha teke magnahaghedi mana ka tapa ra. Iagho jame ghathoniu igne.

Josua 15:16

Eghuteuna mae Kelab ne cheke eghu, “Jame kaisei mae batu ghita tahati mala magra ka namono igne, te ghilei uludi tahati mare na, iara ginauna snakreni thugu gaꞌase Aksa mala tolaghi ka mana.”

Jajis 1:13

Mae Otniel, thugna Kenas, mae Kenas gne tahigna Kelab. Aonu Otniel ne uluni namono igne. Kelab ne snakreni thugna gaꞌase na ka mana, aonu repa ne tolaghi.

Jajis 3:11

Aonu naiknodi Israel igre ne au ka pharikeli nabagna phiatutu finogha ka glose igne. Aonu Otniel thugna Kenas ne lehe.

Jajis 3:9

Nu naiknodi Israel igre ne tanhi lao ka Lord mala toghodi, eghuteuna mana ne vahini Otniel thugna Kenas tahigna Kelab.