Josua 15:16 - Buka Blahi Ka Cheke Holo

¹⁶ Eghuteuna mae Kelab ne cheke eghu, “Jame kaisei mae batu ghita tahati mala magra ka namono igne, te ghilei uludi tahati mare na, iara ginauna snakreni thugu gaꞌase Aksa mala tolaghi ka mana.”

Josua 15:16 Iomraidhean Croise

Ululahu Kronikols 2:49

Eghuteuna ke leghugna igne Maka neke karha phei thugna nalhaꞌu, nanghadi phei mae igre, mae Saf ghe mae Seva. Mae Saf ne eꞌei namono biꞌo Madmana. Eghuteuna mae Seva ne eꞌei phei namono biꞌo Makbena ghe Gibea. Eghuteuna mae Kaleb au kaisei thugna gaꞌase, nanghagna na Aksa.

Josua 15:15

Eghuteuna kate la uludihi naikno ka namono igre, mae Kelab ke tei neke magra ka naiknodi Debia, namono igne tifa na mare neke kiloni Kiriat-Sefa.

Josua 15:17

Mae Otniel batudi mare mala hata namono igne. Mae Otniel gne karha ka mae Kenas, thabusigna mae Kelab. Eghume, mae Kelab snakre lao thugna gaꞌase na ka mae Otniel mala tolaghi repa.

Jajis 1:6

King igne ne fuha rikha, nu mare ngholini ne lolhokuni mana, eghuteuna mare ne kusu koko phei geghesu biꞌo ka khamegna nei ghahegna teu mana re.

Ululahu Samuel 17:25

Mare ne kafe cheke eghu, “Ghotilo filoni mae ana, mana cheke fadiꞌa ghita tahati koba maeda Israel. King neke nhaꞌa chekehi te mala tusu lao kaisei taba biꞌo ka mae ihei te faleheni mae soldia gna Filistia tuana. Eghuteuna mana ginauna na jaola snakre lao thugna gaꞌase na mala tolaghi ka mana. Eghuteuna kmagna, thabusigna teu mana re ginauna theome mala foli takis.”