14 Aonu mae Kelab ne ngolho fajifladi vikegna mae Anak ka namono igne. Mae igre ka vikegna mae Sesae, nei ka vikegna mae Ahiman nei ka vikegna mae Talmae.
Kaisei mae biꞌo fara jateula goigholi teuna au ka armigna Filistia, nanghagna na Isbi-beno, mana magnahaghei te faleheni mae Devet. Mana hata kaisei goru te horo ka bras kheꞌigna na, eghuteuna tahu gna na, thilo kilo gram vidogna, eghuteuna mana jaola au kaisei naflahi majaghani mala magra.
Eghuteuna naiknore brahu fara, nei thono nheta fara, mae igre vikegna mae Anak. Ghotilo lasedi eghuteuna te nomhidi ghotilo eidi mae igre na, mare chekeni te theome tangomana kaisei mae te uludi vikegna mae Anak.
Mae Josua jaola ne roꞌedi vike te kilodi mae Anakim, mae igre mae nheta tulao. Eghuteuna mae igre au ka namono Hebron, Deba, Anab nei ka thogele te gnafa te au ka kantri Juda ghe Israel. Mae Josua ne thofno fahuidi nei goigonidi neu nodi namono mae igre.
Eghuteuna mare tei ne magra ka naiknodi Kenan ka namono Hebron, nanghagna ulu lahu na Kiriat-Aba. Ka namono igne mare ne uludi vikegna Sesae, nei vikegna Ahiman nei vikegna Talmae.
Aonu vikegna Juda igre ne snakre lao Hebron ka Kelab leghuni unha teke chekeni Moses tifa na. Namono igne au tagna thilo vike teke jifla mei ka vikegna mae Anak, nu Kelab neke ngolhi fajifladi ka namono igne.