Josua 15:12 - Buka Blahi Ka Cheke Holo

¹² Eghuteuna gratha Thongna Mediterenian igne au ka nohi ke mosu. Tuana nohigna nodi glose vikegna mae Juda.

Josua 15:12 Iomraidhean Croise

Profet Esikiel 47:20

Eghuteuna ke mosu na, Thongna Mediterenian igne nohi tei te posa ka kaisei vido ke mosu nabrou te tei ka thogele Hamat.

Diutronomi 11:24

Aheva te tei tapla ghotilo tagna na, glose tuana nomi ghotilo. Nomi nohi ghotilo na ginauna funu ke mata namono nagou tei posa ke raru Thogele Lebanon, eghuteuna funu ke maghati Khoꞌu biꞌo Iufretis tei posa ke mosu Thongna Mediterenian.

Josua 15:11

Nohi igne ke tei posa ke raru ka thogele Ekron, eghuteuna ke figri tei ka namono Sikeron, eghuteuna ke salaꞌuni thogele Bala, eghuteuna ke tei thokeni namono Jamnia, eghuteuna tei gnafa ka Thongna Mediterenian.

Josua 15:47

Eghuteuna keha namono re Asdod baludi namono te gnafa nei namono ikodi te gnafa teu te lithui, eghuteuna namono Gasa baludi namono te gnafa nei namono ikodi te gnafa teu te gnafa igre, tei posani khoꞌu ikoi te fofotagna nodi glose naiknodi Ijep ke mata na, eghuteuna tei me posani Thongna Mediterenian ke mosu na.

Josua 18:5

Mare ginauna tufa glose igne ka fitu nohi. Eghuteuna mare mala rioriso soru ripot eidi nohi ka vido igre, eghuteuna mala ke hata fapulo ripot igne ka iara. Iara ginauna lalahu khale mala laseni glose igne, aheva Lord noda God tahati igne te tusu mei ka vike tahati igre. Nu vikegna Juda igre ginauna auhi ka rijon ke mata. Eghuteuna vikegna Josep ginauna auhi ka phei rijon ke raru te theome au ke lamnagna nodi fitu rijon mare teke tufa ghotilo gognarogne.