Josua 14:11 - Buka Blahi Ka Cheke Holo

¹¹ Nu nanhetagu iara na theome gnafau gognarona. Theo. Iara jateula kani teke kuru tei ghau iara mae Moses tifa ia eghu ngala nanhetagu na, theome ke tughu. Iara nabagu ngala te tei ka magra jateula teke tifa ia teu gognarona.

Josua 14:11 Iomraidhean Croise

Nodi Khoje Hatimare Mae Jiu 103:5

Kate au teu iara ka nauthoglu igne Lord ne kokhoni gu iara ne tusu mei glepo te nabagu iara. Naugna igne, iara ne majaghani nogu, nei heta nogu eghu fabrahu jateula kaisei gaghata eghu.

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Diutronomi 31:2

Mana ne cheke eghu, “Gognarona iara la kuekuꞌe fara, iara la thokeni hi kaisei gobi varadaki finogha. Iara na theome tangomana nate batu ghami ghotilo na. Eghuteuna Lord nomi God ghotilo na neke cheke ka iara, eigna iara ginauna theome tangomana nate tei kasa ka Khoꞌu biꞌo Jordan.

Diutronomi 33:25

Ghotilo tangomana te au fakeli fabrahu naugna ghotilo tangomana te hata aean nei bras eghu mala horo grengathadi gringni thinagna nomi namono na mala maku fakeli. Eghuteuna nakarhami ghotilore ginauna rheta fabrahu leghu rane.”

Diutronomi 34:7

Mae Moses neke thokeni kaisei gobi varadaki finogha neke lehe nga. Mana nheta fabrahu, eghuteuna tathagnare jaola keli kolho.

Josua 14:10

Eghuteuna mae Kaleb tudu ne cheke eghu, “Lord neke chekehi ka mae Moses glepo igne kani au teku mae kuꞌedara ka namono nagou ia. Eghume, filo sagho. Gognarona salaꞌuhi phiatutu glima finogha. Nu Lord na togho ghau iara tela karha teu iara tela ghilei mei posa gognarogne jateula teke la nhaꞌa chekenihi mana na eghu. Iara nhana salei glima finogha gnahi gognarona.