Josua 14:10 - Buka Blahi Ka Cheke Holo

¹⁰ Eghuteuna mae Kaleb tudu ne cheke eghu, “Lord neke chekehi ka mae Moses glepo igne kani au teku mae kuꞌedara ka namono nagou ia. Eghume, filo sagho. Gognarona salaꞌuhi phiatutu glima finogha. Nu Lord na togho ghau iara tela karha teu iara tela ghilei mei posa gognarogne jateula teke la nhaꞌa chekenihi mana na eghu. Iara nhana salei glima finogha gnahi gognarona.

Josua 14:10 Iomraidhean Croise

Nodi Khoje Hatimare Mae Jiu 107:4

Keha ka tahati tei tafri ka namono nagou te theo nabrougna na, eghuteuna mare theome tangomana te filo deni kaisei namono biꞌo te mala au tagna na.

Nodi Khoje Hatimare Mae Jiu 91:7

Jame kaisei thogha naikno te au rhemu iagho na, mare na uka lehe kolho ka fogra biꞌo. Uve, jame nabotho thogha naikno te mei kegra falithui nigho na, mare na kafe lehe kolho, nu glepo te diꞌare ginauna theome tangomana te goigoni nigho iagho na.

Naba 14:30

Theo kaisei mae ka ghotilo te ginau jugru haghe ka vido teke nhaꞌa chekeni iara mala au ghotilo gne. Mae Caleb thugna mae Jefune ghe mae Josua thugna mae Nun eghu kolho nate au ke lamnagna vido tuana.

Naba 14:38

Ka nabotho phei mae teke tei filo ka vido Kenan igre, mae Josua ghe mae Caleb kolho te karha na, phiamare theome lehe.

Josua 13:1

Kate kueku'ehi mae Josua na, Lord ne cheke eghu ka mana, “Iagho la kueku'ehi gognarona, nu kmana vido gloseu te theome atha nga teu ghotilo na.

Josua 14:11

Nu nanhetagu iara na theome gnafau gognarona. Theo. Iara jateula kani teke kuru tei ghau iara mae Moses tifa ia eghu ngala nanhetagu na, theome ke tughu. Iara nabagu ngala te tei ka magra jateula teke tifa ia teu gognarona.

Josua 14:9

Aonu ka narane tuana, mae Moses neke eni kaisei nhaꞌa cheke ka iara neke cheke eghu, ‘Iagho ne thofno leghu fakelini Lord, noda God, eghume vido glose te tapla teu iagho phei ghahemure ke klignagna igne mala nou iagho fabrahu nei thumu iaghore eghu.’ ”