Josua 13:9 - Buka Blahi Ka Cheke Holo

⁹ Nodi glose mare igne, funu ka namono Aroa rhegna sare khoꞌu Anon nei ka namono te au farihotei glogu nei sare Medeba tei posa ka namono Dibon.

Josua 13:9 Iomraidhean Croise

Fapea Samuel 24:5

Mare tei ne kasa ka khoꞌu Jordan, eghuteuna mare tei ne fufunu ka namono Aroa fari hotei glogu biꞌo ka nohi Gad. Funu jare mare tei ne salaꞌu ke raru namono Jasa.

Ululahu Kronikols 19:7

Mare ne hata tolufulu phei thogha soldia mala saghe ka chariot, nei nogna armi king gna Maka la ngau eghu. Mare kafe mei ne au Medeba mala magra. Eghuteuna soldiadi Amon gre ne jifla mei ka namonodi re tarabana mala magra.

Nehemaea 11:25

Kmana naikno gognarona au ka nodi namono te namo ka nodi glose re. Keha naikno ka tharaknagna mae Juda igre, mare au ka namono Kiriat-Aba, Dibon nei Jekabsel, nei ka namono te au rhedi namono biꞌo igre.

Profet Isaia 15:2

Naikno ka namono Dibon igre tei ka vido mala tarai na mala diꞌanagnafa nei tanhi eghu. Naiknodi Moab igre tanhi fabiꞌo ke kligna thogele Nebo nei ka namono Medeba. Mare ghoighori phaꞌudi nei gremohodi teure, naugna mare ne thono diꞌanagnafadi fara.

Profet Jeremaea 48:18

“Ghotilo naiknomi Dibon! Ghotilo soru mei ka nomi sape nafnakno are mala gnokro pari ke kligna glose, naugna mae naoka igre ginauna mei fagoigoli ghami ghotilo. Mae teke goigonini Moab igre ginauna mei posa ka nomi namono ghotilo igre, eghuteuna mare ginauna paꞌe soru nomi bara thina maku ghotilo igre.

Profet Jeremaea 48:22

Dibon, Nebo, Bet-Diblataem,

Profet Jeremaea 48:8

Naoka ginauna mei goigoni nomi namono ghotilo igre, eghuteuna mare te gnafa na ginauna thofno diꞌa fara. Glose ka glogu nei glose ke kligna thogele teu igre, ginauna diꞌa hui. Igne ginauna thofno jateula teke chekeni iara Lord ka mare ia eghu.

Naba 21:30

“Nu, tahati neke falehedi maedi Amoa re funu Hesbon ke raru tei posa Dibon ke mata. Eghuteuna tahati jateula khaꞌaghi biꞌo te nhako fahui namono te gnafa funu Nofa tei posa Medeba.”

Diutronomi 2:36

Ka narane tuana, Lord neke togho ghita tahati neke hata nodi namono mare te funu Aroa ka geri Khoꞌu Anon, nei namono ka sare rhegna khoꞌu igne, tei posa ke raru namono Gilead. Theo kaisei namono te bara thina te haghe fara ba maku fara te mala theome tangomana tahati te uluni na.

Diutronomi 3:12

Mae Moses neke cheke eghu, “Kate hata tahati nodi glose mare ke maghati Khoꞌu biꞌo Jordan ra, iara neke tufa glose igre ka thilo vike tahati igre. Glose ke biꞌogna na baludi namono te au ke lamnagna glose igne iara neke tusu lao ka vikedi mae Ruben, nei ka vikegna mae Gad teure, funu ka namono Aroa ke mata Khoꞌu Anon, eghuteuna tei posa ka nohi ke raru Gilead namono te au thogelero.

Diutronomi 3:16

Eghuteuna keha vidogna rijon igne balugna glose te tei posa ke mata Khoꞌu Anon iara neke tusu lao ka vikegna mae Ruben nei ka vikegna mae Gad. Nodi glose mare na, fofotagna ke mosu na doglo farihotei Khoꞌu Anon, eghuteuna fofotagna ke maghati na ka Khoꞌu Jabok, eghuteuna naiknodi Amon igre mare au ka keha phile na.

Josua 12:2

Kaisei na mae Sihon nodi king mae Amo. Mae igne au ka namono biꞌo Hesbon. Fofotagna kantri te funei fruni mana igne, funu ka namono Aroa rhegna sare khoꞌu Anon tei posa ka khoꞌu Jabok. Khoꞌu Jabok igne nohi te fotadi namono biꞌo Aroa ghe nohi Amon. Igne atha kaisei vido ka nohi Gilead.

Josua 13:10

Eghuteuna mae igre neke atha nogna namono mae Sihon nodi king mae Amor. Tifa na mae Sihon gne neke au Hesbon neke funei frunidi namono te gnafa te au ka vido te tei posa ka fofothagna nodi nohi mae Amon.

Josua 13:16

Nodi glose mare igne funu ke mata namono Aroa ke demei glogu Anon tei posani namono farihotei glogu tei posadi sare biꞌo te gnafa lithuini namono Medeba.

Josua 13:8

Teke vikedi mae Ruben, mae Gad nei mae Manase teu igre ginauna atha vido glose ke maghati khoꞌu Jordan. Naugna mae Moses nogna mae gloku God igne neke tufahi ka mare.