Josua 13:6 - Buka Blahi Ka Cheke Holo

⁶ “Eghuteuna ghotilo jaola theome athau nodi vido glose mae Saedon te au farihotei Thogele Lebanon nei Misrefot Maim. Nu iara ginauna khi fajifladi vike te au ka vido igne, eghuteuna ghotilo mae Israel ra ginauna atha nodi namono mare igre. Iagho tufa vido glose igre ka vike te gnafa Israel igre mala nodi mare. Iagho leghuni unha te chekeni iara ka iagho igne.

Josua 13:6 Iomraidhean Croise

Nodi Khoje Hatimare Mae Jiu 80:8

Iagho neke atha fajifla ghami Ijep, eghuteuna iagho neke ngolhi fajifladi naiknodi keha kantri are. Aonu gognaro na iagho snakre ghami ghehati mala khotogna nodi namono mare Kenan.

Naba 33:54

Ghotilo ginauna fofota vido glose na ka vike te gnafare. Eghuteuna ne vido biꞌo nga nu nodi vike te biꞌore, eghuteuna ne vido ikoi nga nu nodi vike te ikodire. Ghotilo ginauna lalahu khale ka phei thina mala fofotagna vido glose na. Ghotilo ginau fofota leghudi vike te gnafare. Eghuteuna naiknore mala tei au ka nodi vido glose thedire.

Josua 1:6

Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Josua 11:12

Mae Josua uludi ne gnafa namono igre eghuteuna mana jaola ne atha mae king teke funei frunidi namono igre. Eghuteuna mana ne falelehe ne hui mae king igre leghuni unha teke chekeni mae Moses nogna mae gloku God.

Josua 11:8

Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.

Josua 13:7

Eghume iagho tufa glose igne ka nheva vike igre, nei ka vikegna mae Manase igre eghu.”

Josua 23:4

Eghuteuna iara la snakre arihi glose te funu ka Khoꞌu biꞌo Jordan ke maghati na tei gnafa ka Thongna Mediterenian ke mosu na. Uve, iara jaola snakre arihi nodi glose keha naiknoi teke uludi tahati ka magra ra nei baludi glose ka keha naiknoi te theome uludi nga teu tahati ra.

Josua 23:5

Lord noda God tahati na neke nhaꞌa chekehi ka tahati te mana ginauna edi noda naoka tahati re mala rikha ghita tahati. Uve, kate tei ruma tahati ka nodi glose mare na, Lord nate ngolhi fajifladi mare na, eghuteuna tahati ginauna hata nodi glose mare na leghui unha teke nhaꞌa cheke mana ka tahati na.