Josua 13:31 - Buka Blahi Ka Cheke Holo

³¹ Nohi igne jaola tei thokeni keha vidogna Gilead, baludi phei namono Astarot ghe Edrei aheva teke au King Og. Igne glose aheva teke snakre lao mae Moses ka vikegna mae Makia, thugna mae Manase.

Josua 13:31 Iomraidhean Croise

Ululahu Kronikols 6:71

Keha namono te tufa mare ka vikegna mae Geson igre au ka nodi vido glose vikegna mae Manase. Namono Golan te au ka nohi Besan ghe namono Astarot. Phei namono igre au ke maghati kho'u biꞌo Jordan.

Nodi Khoje Hatimare Mae Jiu 60:7

Namono Gilead gne nogu iara, eghuteuna namono Manase gne jaola nogu iara. Efrem gne namono mala audi nogu mae soldia iara re, eghuteuna nogu mae king iara re ginauna mei ka nohi Juda.

Josua 12:4

Eghuteuna mae Moses nei hatimare mae Israel ne tei magra ka mae king Og, mae ihei te funei ka kantri Besan ne uluni mana. Mae igne kaisei mae te au teu ka teke vikegna mae Refaem, mae ihei te nheta nei brahu fara. Mae igne mana funei ka phei namono biꞌo Astarot ghe Edrei.

Josua 13:12

Eghuteuna funu jare tei posa ka vido te gnafa ka nohi teke funei frunidi King Og baludi phei namono Astarot ghe Edrei teke namono biꞌo na. Mae Og gne ngala mae leghu lahu ka vikegna mae Refaem tifa na. Mae Moses baludi naiknodi Israel neke magra neke uludi naikno igre baludi nodi namono re.

Josua 13:32

Igne puhi te eni mae Moses teke tufa glose ke maghati khoꞌu Jordan kani au teku ka sare biꞌo Moab.

Josua 17:5

Vikegna mae Manase igre ne khotogna nabotho rijon ke mosu Khoꞌu biꞌo Jordan baludi phei rijon Gilead ghe Basan te au ke maghati Khoꞌu biꞌo Jordan.

Josua 17:6

Mare eni igne naugna goro gaꞌase igre jaola khotodi glose baludi keha mae ka vikedi mare igre, mala tangomana mare te khoto glose kate au mare tagna na. Nu glose Gilead igre, mare la snakre laohi ka keha vido gaga vikegna mae Manase mala khotogna.

Josua 9:10

Eghuteuna ghehati jaola nomhidi unha te edi mana ka phei nodi king maedi Amoraet te au ke maghati rhegna Khoꞌu biꞌo Jordan. King Sihon maegna kantri Hesbon ghe king Og maegna kantri Besan, nei namono biꞌo Astarot.

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Jajis 5:17

Vikegna Gad te au nohi Gilead igre au kolho ka keha phile Khoꞌu biꞌo Jordan. Mala unha si vikegna Dan igre te au ka waf kolho igrea? Eghuteuna vikegna Asa igre jaola au kolho ka nodi namono re rhegna gratha na.

Ululahu Samuel 12:10

Ka narane tuare kuꞌeda tahati tura neke tanhi ka Lord mala toghodi, mare neke tarai eghu, ‘Lord, ghehati la theome leghu nigho nei la tei koko nigho eghu! Eghuteuna ghehati tarai ka mumujudi phei god, Baal ghe Astarot. Lord, fakarhi ghami nei hata fajifla ghami eghu ka nodi nolaghi nomi naoka gre, mala ke tufru soru nigho ghehati.’

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”