Josua 13:29 - Buka Blahi Ka Cheke Holo

²⁹ Mae Moses neke snakre lao keha vido glose ka vido vikegna mae Manase.

Josua 13:29 Iomraidhean Croise

Ululahu Kronikols 5:23

Keha ka vikegna mae Manase te au ke maghati Khoꞌu biꞌo Jordan igre kmana ne vuragha naikno na. Mare au ka nohi ke raru Besan te tei posa ka phei namono Baal-Hemon ghe Seni rhegna Thogele Hemon.

Naba 32:22

Eghuteuna kate khotogna ghehati vido tuana, ghotilo tangomana teke pulo mei ka namono igne, naugna ka narane tuana ghotilo ginauna fagnafahi gobigna lepo teke nhaꞌa chekedi ghotilo ka Lord nei ka keha vike te gnafa Israel ra. Aonu Lord ginauna tusu ari vido glose igne ka ghotilo.

Naba 32:40

Aonu mae Moses ne tusu lao rijon Gilead gne ka vikegna mae Makia mala fabrahu mare tagna.

Diutronomi 3:13

Eghuteuna keha vidogna nohi Gilead balugna nodi nohi maedi Basan, iara tusu lao ka vido vikegna mae Manase. Keha nanghagna rijon igne na Agob, aheva teke funei King Og ia.” Rijon Basan igne, tifa na neke nodi namono mae iheire te brahu nei nheta eghu, mae te kilodi Refaem.

Josua 13:28

Igre namono te gnafa nei namono ikodi teu teke snakre lao mae Moses te mala nodi mare fabrahu na.

Josua 13:30

Nohi igne funu Mahanaem nei glose te gnafa Besan teu igre au ke lamnagna nohi igne, baludi namnosalei namono ikodi teke uludi mae Jaea kaisei fata ka magra tifa. Uve, tifa na King Og gna Besan teke funei frunidi vido te gnafa ka nohi tuana. Eghuteuna mae Manase neke jaola neke atha namono Salei, nogna namono mae Jai te au ka nohi Besan.

Josua 17:5

Vikegna mae Manase igre ne khotogna nabotho rijon ke mosu Khoꞌu biꞌo Jordan baludi phei rijon Gilead ghe Basan te au ke maghati Khoꞌu biꞌo Jordan.

Josua 17:6

Mare eni igne naugna goro gaꞌase igre jaola khotodi glose baludi keha mae ka vikedi mare igre, mala tangomana mare te khoto glose kate au mare tagna na. Nu glose Gilead igre, mare la snakre laohi ka keha vido gaga vikegna mae Manase mala khotogna.