Josua 13:26 - Buka Blahi Ka Cheke Holo

²⁶ Eghuteuna vido glose igne funu ka namono Hesbon tei posa ka namono Rama Mispa nei namono Betonim. Eghuteuna funu ka namono Mahanaem mei posani fofotagna vido Lo-Deba.

Josua 13:26 Iomraidhean Croise

Jenesis 31:49

Aonu mare ne kiloni namono igne Mispa ba Namono mala Fiofilo. Eigna mae Laban neke cheke eghu, “Kate fnota te sopa au tapa na Lord ginauna na fiofilodi puhida tapa re.

Fapea Samuel 17:27

Kate posa mae Devet Mahanaem, thilo mae mei ne thafoni mana jare. Mae ulu lahu na mae Sobi, thugna mae Nahas, maegna Raba ka kantri Amon. Fapea na, mae Makia, thugna mae Amiel, maegna ka namono Lo-Deba. Eghuteuna fatilo na mae Basilae maegna ka namono Rogelim ka nohi Gilead.

Fapea Samuel 2:8

Ka narane te lehe mae Sol ka armi gna Filistia igne, mae Abna thugna mae Ner, mae komanda ka nogna armi mae king Sol igne ne hata balugna mae Isboset thugna mae Sol igne ne tei kasa ka khoꞌu Jordan. Mare tei ne au ka namono Mahanaem.

Ululahu Kings 22:3

Kate tei Jehosafat te filoni mae Ehab na, mae Ehab ne cheke eghu ka nogna mae biꞌo re, “Ramot-Gilead gne noda tahati. Ne faꞌunha si tahati te theome eni kaisei glepo mala teke hata fapulo ka king gna Siria gnea?”

Ululahu Kings 4:14

Mae Ahinadab thugna mae Ido, mana reireghini vido Mahanaem.

Josua 13:25

Nohi igne tei posa ka namono Jasea eghuteuna tei thoke ka namono te gnafa ke lamnagna nohi Gilead, vido glose te nogna mae Amon na doglo tei posa ka namono Aroa ke maghati Raba, au ke lamna glose igne.

Josua 13:27

Ka glogu Jordan, glose igne tei posadi namono Bet-Haran, nei Bet-Nimra, nei Sukot, nei Safon, nei nohi te gnafa te funei frunidi King Sihon, maegna ka namono Hesbon. Eghuteuna fofotadi glose igre ke mosu na funu ka Khoꞌu biꞌo Jordan tei posa ke raru Kholo Galili.

Josua 20:8

Eghuteuna mare vavahi keha thilo namono ke maghati Khoꞌu biꞌo Jordan, nanghadi re Bese rhegna Jeriko ka namono nagou holo ka thogele ka nogna rijon Ruben, eghuteuna Ramot jare Gilead ka nogna rijon Gad, nei Golan jare Basan te au ka nogna rijon Manase.

Josua 21:38

Eghuteuna ka nogna vido Gad, mare khotodi fati namono baludi glose te au faligoho ka mala lilisei buluka, nei sipu nei nanigot. Ulu lahu na, namono igre Ramot jare Gilead, kaisei ka namono te mala poru igre, baludi Mahanaem,

Jajis 10:17

Ka narane tuare armigna Amon ne tarabana mala magra, eghuteuna mare mei ne au rijon Gilead. Eghuteuna naiknodi Israel igre jaola ne mei au ka namono Mispa ka rijon igne.

Jajis 11:11

Aonu mana neke pulo baludi mare ka namono Mispa. Eghuteuna naiknodi Gilead igre ne fakegra funeini mana nei mae mala komanda ka armi. Eghuteuna ka narane igre, mana ne nhaꞌa cheke baludi mare ka tathagna Lord.

Jajis 11:29

Ka narane igne Tharunga gna Lord na mei ka Jefta ne tusu lao nolaghi ka mana. Aonu mana tei ka nogna glose Gilead nei ka nogna glose Manase ne kilo meidi mae te mala magra re. Eghuteuna mana neke pulo mei Mispa jare Gilead, eghuteuna funu jare mana ne batuni kaisei armi ne tei magra ka vikegna Amon.