Josua 13:25 - Buka Blahi Ka Cheke Holo

²⁵ Nohi igne tei posa ka namono Jasea eghuteuna tei thoke ka namono te gnafa ke lamnagna nohi Gilead, vido glose te nogna mae Amon na doglo tei posa ka namono Aroa ke maghati Raba, au ke lamna glose igne.

Josua 13:25 Iomraidhean Croise

Fapea Samuel 11:1

Ke leghudi narane te reka nei nakhete bi'o teu igre, mae king igre mare tangomana te tei ka magra na. Aonu mae Devet kuruni mae Joab baludi hatimare mae komanda ka armi gna Israel mala tei magra ka armi gna Amon. Mare ne thofno goigoni ni fara armi gna Amon. Mare tei ne magra ka namono Raba, namono biꞌo lahu ka kantri Amon. Nu mae Devet theome tei ne au neu kolho Jerusalem.

Fapea Samuel 12:26

Ka narane tuare, Joab nei nogna armi na eghu ne magra heta ka armi gna namono Raba, namono biꞌo lahu ka kantri Amon. Aonu mana ne ulunihi nogna vido keli te mala poru mae king na.

Fapea Samuel 24:5

Mare tei ne kasa ka khoꞌu Jordan, eghuteuna mare tei ne fufunu ka namono Aroa fari hotei glogu biꞌo ka nohi Gad. Funu jare mare tei ne salaꞌu ke raru namono Jasa.

Ululahu Kronikols 26:31

Ka narane tuare, mae Jeria teke lida ka tothoghei tharaknagna mae Hebron. Eghuteuna ka phiatutu finogha te king mae Devet igre, nogna mae gloku mana re neke filo fapulo ka susureidi tharaknagna mae Hebron, eghuteuna mare ne filoni mae Jeria au baludi mae te thofno keli fara ka namono Jasa ka provins Gilead.

Ululahu Kronikols 6:81

Hesbon nei Jasa. Eghuteuna kate tufa mare namono igre ka mae Merari na, mare tufa glose te au famane buburu te keli.

Profet Isaia 16:8

Nagare te gnafa te au ka namono Hesbon, baludi nodi nagare grep te gnafa ka namono Sibma igre, la goigoni fahuihi mae naoka gre. Nagare igre biꞌo fara ghilei tei posa ke raru namono Jasa, eghuteuna ke maghati namono nagou nei ke mosu Thongna Lehe. Nu mae te funei fruni ka keha kantri igre goigonidi fara famane nagare igre.

Profet Isaia 17:2

Eghuteuna namono Aroa igne baludi namono te gnafa te au falithui igre ginauna krogha. Ginauna sipu nei nanigot eghu kolho nate ghamu tafri teu ka namono igne. Eghuteuna theo kaisei naikno nate au teu jare te mala famamhaghudire.

Profet Jeremaea 48:32

Iara ginauna kokhonidi nei tanhidi eghu naikno te au ka namono Sibma ke tulaodi te tanhini iara namono Jasa ka nohi Amon. Namono Sibma igne kaisei famane namono fara, jateula gaju grep te kotu te brahu fara gregegna ra eghu. Tutuani, keha gregere brahu tei kasa ka Thongna Lehe eghuteuna kehare tei posa Jasa. Nu mae naokare ginauna mei goigonidi nomi nagare grep ghotilo are mala theome tangomana ghotilo te atha kaisei gano tadi re.

Profet Esikiel 21:20

Ei fagaglana ka kaisei nabrou te leghuni te tei ka namono biꞌo Raba ka kantri Amon. Eghuteuna eni keha na ka nabrou te tei Jerusalem aheva te au gringni biꞌo te falithuini nei keha vido ka namono Juda.

Profet Emos 1:14

Iara ginauna koko soru khaꞌaghi ka baragna namono biꞌo Raba mala nhako fahui suga te gnafa te rheta ka namono tuana. Kate magra na, hatimare mae soldia ginauna eha fabiꞌo, eghuteuna magra igne ginauna rheta fara jateula kaisei nuri saeklon eghu ka vido tuana.

Naba 21:32

Eghuteuna ke leghugna teke kuru teidi mae Moses keha mae mala tei filo ka namono Jasea, mae armidi Israel re tei ne magra nei ngolhidi neu naiknodi Amoa te au teu jare re nei keha namono ikodi te au faligohoni namono tuana.

Naba 32:35

Atrot-Sofan, Jasea, Jogbeha,

Diutronomi 2:19

Kate jifla ghotilo ka namono igne na, ghotilo ginauna tei rhegna nodi nohi vikegna mae Amon. Mae igre vikegna mae Lot, eghuteuna iara neke tusu laohi namono igne ka mare. Ghotilo ginauna thosei fapholai ba magra baludi mare, naugna iara ginauna na theome tufa kaisei nodi namono mare ka ghotilo.’ ”

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Josua 13:11

Mare neke jaola nake atha nodi glose mae Gilead tei posa ka nodi nohi mae Gesu nei mae Maka nei keha vido ka Thogele Hemon nei keha vido ka nohi Besan tei posa ka namono Saleka.

Josua 13:24

Mae Moses neke tufahi glose igne ka vikegna mae Gad mala nodi mare fabrahu.

Josua 13:26

Eghuteuna vido glose igne funu ka namono Hesbon tei posa ka namono Rama Mispa nei namono Betonim. Eghuteuna funu ka namono Mahanaem mei posani fofotagna vido Lo-Deba.

Josua 21:39

nei Hesbon, nei Jasea.

Jajis 5:17

Vikegna Gad te au nohi Gilead igre au kolho ka keha phile Khoꞌu biꞌo Jordan. Mala unha si vikegna Dan igre te au ka waf kolho igrea? Eghuteuna vikegna Asa igre jaola au kolho ka nodi namono re rhegna gratha na.