Josua 12:7 - Buka Blahi Ka Cheke Holo

^7-8 Mae Josua nei hatimare mae Israel, mare ne uludi hatimare mae king teke funei ka namono te au ke mosu khoꞌu Jordan, funu ke raru ka namono biꞌo Belgol ka sare Lebanon tei posa ka thogele Halak ke mata, rhegna kantri Idom. Mare atha thogele nei fanukhu teu te au rhegna sare khoꞌu Jordan ke maghati, namono nagou nei ke mata nohi Negev. Tifa na glose igre neke nodi hatimare mae Hit, nei mae Amo, nei mae Kenan, nei mae Peres, nei mae Hivi, nei mae Jebus. Eghuteuna mae Josua ne tufa vido glose igre ka vike te gnafa Israel mala nodi mare.

Josua 12:7 Iomraidhean Croise

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Jenesis 36:20

Mae Seiri gne neke kaisei mae ka vikegna mae Hor ka namono Idom. Nanghadi teke thugna mana re neke mae Lotan, nei mae Sabol, nei mae Sibeon, nei mae Ana,

Jenesis 36:8

Aonu mae Iso tei ne au soru ka thogele ro ka kantri Idom. Namono igne tifa na mare kiloni Seia.

Nodi Khoje Hatimare Mae Jiu 135:11

Mana neke faleheni mae king Sihon, mae ihei te king ka vikegna Amoro, nei mae king Og, nodi king hatimare maedi Besan, nei jaola falelehe fahui hatimare mae king te gnafa ka kantri Kenan.

Diutronomi 2:1

“Tahati neke au kmana narane Kades. Aonu tahati figri ne leghu nabrou neke tei fei Thongna Ukru, mala ke pulo fei namono nagou, leghuni unha teke chekeni Lord. Eghuteuna tahati tei tafri kmana narane ka thogelero ke lamnagna rijon Idom.”

Diutronomi 2:4

Eghuteuna mana neke cheke ka iara mala cheke faheta eghu ka naiknore, ‘Ghotilo ginauna tei salaꞌu ka rijon Idom ka namono aheva te au kherami ghotilo teke vikegna mae Iso ra. Mare ginauna mhaghu ghami ghotilo. Eghume ghotilo famane ghaoghatho fakeli eghu.

Josua 11:17

Nohigna vido igne funu ka thogele Halak ke mata Idom tei posa ka namono Balgad ka sare Lebanon ke raru Thogele Hemon. Mae Josua gne kmana fata tei magra ka mae king te funei ka namono igre ne kafe falehedi mae king igre.

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Josua 3:17

Eghuteuna kate kasa mare na, hatimare mae pris kegra fabrahu neu fari hotei khoꞌu tela krango hi na ne ghilei kasa ne hui naiknore ka keha phile khoꞌu na.

Josua 9:1

Mae Josua baludi maedi Israel igre mare magra ne uludi phei namono biꞌo Jeriko ghe Ai. Eghuteuna nonomho eigna igne ne tei thoke ka mae king te au ka namono te gnafa ke mosu Khoꞌu biꞌo Jordan. Mae king igre funudi ka vikegna mae Hit, ka vikegna mae Amo, ka vikegna mae Kenan, ka vikegna mae Peres, ka vikegna mae Hivi, nei ka vikegna mae Jebus. Mae igre au ka thogele nei ka gukhu ke mosu, nei ka sare rhegna Mediterenian, tei posa ke raru kantri Lebanon. Mare kafe nomhini thoutonu eigna mae Josua igne baludi mae Israel te uludi nodi naokare ka magra igre.