Josua 12:6 - Buka Blahi Ka Cheke Holo

⁶ Kate uludi phei mae king igre ka magra na, mae Moses nogna mae gloku God igne ne tufa glose igne ka vikedi mae Ruben, mae Gad, nei ka vikegna mae Manase te au ke maghati.

Josua 12:6 Iomraidhean Croise

Ululahu Kings 4:19

Mae Geba, thugna mae Uri, mana reireghini nohi Gilead. Tifa teke mei na nohi igne King Sihon maegna Amori ghe King Og maegna Besan teke funei frunini na. Mae Geba kolho teke reireghigna nohi igne na.

Naba 32:29

“Mae iheire ka vikegna Gad nei vikegna mae Ruben teure la kaikaliti mala magra nei kulu tei ke ulugna Lord. Jame te kasa mare ka khoꞌu Jordan balumi ghotilo na, uve, ghotilo ginauna uludi naiknodi Kenan. Eghuteuna ghotilo ginauna tusu lao vido glose Gilead gne mala khotogna mare.

Naba 32:32

Ghehati ginauna tangomana atha gobigna lepo mala magra gre eghuteuna kulu tei ke ulugna nogna bokis blahi Lord ghilei jugru ghehati Kenan, mala nu uluni ghehati vido glose ke maghati khoꞌu Jordan.”

Naba 32:33

Aonu Moses ne tufa lao ka vikegna mae Gad nei vikegna mae Ruben, nei keha mae ka vikegna Manase teure u namono biꞌo teke funei fruni mae king Sihon gna Amoa nei namono biꞌo te funei fruni mae king Og gna Basan.

Josua 14:3

Glose ka keha phile ke maghati Khoꞌu biꞌo Jordan igne, mae Moses neke tufahi ka phei vikedi mare balugna keha vido vikegna mae Manase. Tifa na mae Josep neke au phei thugna nalhaꞌu, nanghadire mae Manase ghe mae Efrem. Eghuteuna vikegna mae Josep gne ne tufa ka phei vike, leghudi phei thugna mana re. Nu vikegna mae Livae igre theo thufadi fei glose na. Mare au nodi namono kolho te mala au na. Eghuteuna namono igre au vido lithui mala au buluka nei sipu nei nanigot eghu tadi.

Josua 18:7

Vikegna mae Livae igne ginauna theo kaisei glose jateula keha vike are eghu, naugna mare loku jateula nogna pris Lord eghu, eghuteuna nodi gloku mare igne tughugna glose te tusu lao God ka mare na. Vikegna Gad, nei vikegna Ruben, nei vido gaga ka vikegna Manase teu igre la auhi glose ke maghati Khoꞌu biꞌo Jordan. Igne glose Moses nogna mae gloku Lord teke tusu lao ka mare tifa.”

Josua 22:4

Eghuteuna gognarona Lord nomi God ghotilo na ginau tusu ranghidi vikemi ghotilo re pharikeli mala au fakeli ka nomi glose ghotilo re, jateula teke nhaꞌa cheke mana tifa ia. Eghuteuna thofno keli fara ghotilo teke figri ka nomi namonore, ka nomi glose teu te khotodi ghotilo ka keha phile Khoꞌu biꞌo Jordan, aheva Moses teke tusu arihi ka ghotilo tifa ra.