Josua 12:3 - Buka Blahi Ka Cheke Holo

³ Eghuteuna ke maghati sare Jordan igne fofotagna na funu ke raru Kholo Galili tei posa ka namono Bet Jesimot, rhegna Thongna Ukru ke mata, eghuteuna liu ke mata tei posa ka phesigna thogele Pisga.

Josua 12:3 Iomraidhean Croise

Jenesis 19:25

Lord ne roꞌedi phei namono biꞌo Sodom ghe Gomora baludi naikno te gnafa teke au ke lamnadi phei namono biꞌo igre, nei jaola nagare te gnafa nei gaju te gnafa eghu heva heva ka vido Sare Khoꞌu biꞌo Jordan. Ba, unha teke salaꞌu karha teku jare na? Theo fara!

Ululahu Kings 15:20

Aonu King Ben-Hadad ne kaisei gaoghatho ka nogna cheke King Asa igne ne kurudi hatimare mae komanda balugna nogna armi na ne tei magra Israel. Ka magra igne, King Ben-Hadad ne uludi thilo namono igre, Ijon, Dan nei Abel-Bet-Maka, nei vido te namo ka Kholo Galili, nei ka nohi Naftali.

Profet Esikiel 25:9

Eghume iara ginauna snakredi mae naokare mala mei magra ka namono te rheta te au rhegna nohigna kantri Moab. Mare ginauna goigoni famane namono Bet-Jesimot, nei Baal-Meon, nei Kiriataem te au ka nohi te fofotagna kantri igne.

Naba 21:20

Aonu mare neke jifla Bamot neke tei ka gloha biꞌo ka nodi vido mae Moab re. Vido tuana au rhegna thogele Pisga te tangomana filo soru ka namono nagou na.

Naba 34:11

Aonu ke tei thoke Ribla, ke maghati Aen, eghuteuna ginauna tei thoke ka thogele ke maghati rhegna Kholo Galili.

Luku 5:1

Kaisei fata, mae Jisas kegra ka gratha Kholo Genesaret. Kmana naikno fara ne kafe khapru mei ka mana mala fanomho ka chekegna God.

Jone 6:1

Kaisei fata ke leghugna igne mae Jisas ne kasa baludi nogna mae fanomhore ka keha phile Kholo Galili te kiloni jaola Kholo Taebirias.

Diutronomi 3:17

Eghuteuna ke maghatigna glogu Khoꞌu biꞌo Jordan igne iara neke jaola neke tusu lao ka mare. Eghuteuna fofotagna nodi glose mare ke mosu na ka Khoꞌu biꞌo Jordan, iara neke tusu lao glose funu ke raru Kholo Galili ke posa fei Thongna Lehe ke mata, eghuteuna tei posa ke maghati pesi thogele Pisga.

Josua 11:2

Eghuteuna mana jaola ne fatei cheke ka hatimare mae king te au ka thogele ke raru. Mana jaola fatei cheke ka hatimare mae king te au ka sare khoꞌu Jordan ke mata nei ka thogele ikoi ke mosu thogele Kholo Galili, nei ka mae king gna ke mosu te au ka namono Nafot Dor.

Josua 13:20

nei Bet-Jesimot, nei Bet-Peo te au rhegna thogele Pisga.

Josua 15:2

Nohi ke mata igne, funu ka khukrugna ke mata Thongna Lehe,

Josua 15:5

Ke maghati na, nohigna distrik igne funu ka khukrugna Thongna Lehe, eghuteuna leghu gratha tei thokeni khukrugna Khoꞌu biꞌo Jordan te tei posa ke raru Thongna Lehe. Eghuteuna nohi ke raru na funu ka phaꞌu khoꞌu igne,

Josua 3:16

khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.