Josua 12:1 - Buka Blahi Ka Cheke Holo

¹ Mae Moses ne batudi mae Israel ka magra ne uludi phei mae king teke funei ke maghati Jordan. Mare ne atha nodi glose iheire te au ka vido funu ka sare Anon te haghe ka khoꞌu Jordan ghilei tei posa ke raru Thogele Hemon.

Josua 12:1 Iomraidhean Croise

Ululahu Kings 4:19

Mae Geba, thugna mae Uri, mana reireghini nohi Gilead. Tifa teke mei na nohi igne King Sihon maegna Amori ghe King Og maegna Besan teke funei frunini na. Mae Geba kolho teke reireghigna nohi igne na.

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Nodi Khoje Hatimare Mae Jiu 136:21

Eghuteuna mana neke falehedi mae king igre neke snakre lao nodi namonore ka nogna mae gloku Israel. Mana ne namha ghita tahati tifa tifa.

Nodi Khoje Hatimare Mae Jiu 89:12

Iagho ngala teke vuavuhadi namono te gnafa, funu ke raru te posa ke mhata. Thogele Tebo nei Thogele Hemon teu igre glealeꞌa fara jateula naikno eghu glealeꞌa nei koje kilo fnakno nigho eghu.

Profet Isaia 16:2

Nu naikno ka namono Moab igre ofo neu ka geri khoꞌu Anon te khaba fara ka nodi namono re. Mare tei nei mei neu kolho jateula sua nanghaji te flalo tafri kate jifla kokoni nodi gnoku na te funu flalo tafri baludi idodi nei kmadi teura neu.

Naba 21:13

Ke leghu, mare jifla jare neke tei au ke holo gna Khoꞌu Anon, rhegna vido te fofotagna nodi vido mae Amoa re. Khoꞌu Anon gne fofotagna nodi vido kokholo gna mae Moab nei kokholo gna mae Amoa.

Naba 21:21

Aonu mae Israel gre ne kuru teidi keha mae mala tei cheke ka mae King Sihon, mae igne mae ka vikegna Amoa. Mare ne ghusna eghu ka mana,

Naba 21:24

Nu armi gna Israel gre ne faleheni mae King Sihon baludi nogna mae soldiare. Aonu naiknodi Israel gre neke khotogna nodi vido mare re, funu ka Khoꞌu Anon tei posa ka Khoꞌu Jabok ke holo te fofotagna nogna vido mae Amon na. Nu mare theome tangomana te tei ka keha phile na, naugna naiknodi Amon gre nheta fara.

Naba 32:19

Eghuteuna ghehati theome tangomana te uluni vido ka keha phile khoꞌu Jordan, naugna nomi vido ghehati na au ka file mosu.”

Naba 32:32

Ghehati ginauna tangomana atha gobigna lepo mala magra gre eghuteuna kulu tei ke ulugna nogna bokis blahi Lord ghilei jugru ghehati Kenan, mala nu uluni ghehati vido glose ke maghati khoꞌu Jordan.”

Naba 32:33

Aonu Moses ne tufa lao ka vikegna mae Gad nei vikegna mae Ruben, nei keha mae ka vikegna Manase teure u namono biꞌo teke funei fruni mae king Sihon gna Amoa nei namono biꞌo te funei fruni mae king Og gna Basan.

Diutronomi 2:24

Mae Moses neke cheke eghu, “Ka narane tuare Lord neke cheke eghu, ‘Gognarona ghotilo tei kasa ka Khoꞌu Anon. Iara vahini mae Sihon, king ka vikegna mae Amoa ka namono Hesbon, ka khamemi ghotilo baludi nodi namono te gnafa mare re. Ghotilo tei magra ka mana, eghuteuna mala funu hata kasa nodi namono mare re.

Diutronomi 2:32

“Aonu King Sihon balugna nogna armi na mei neke magra ka tahati rhegna namono Jahas.

Diutronomi 3:1

Mae Moses neke cheke eghu, “Ke leghudi gobigna lepo igre, tahati neke tei fei ke raru, leghui nabrou te tei ka rijon Basan. Jare King Og baludi nogna soldiare neke mei mala magra ka tahati neku rhegna namono Edrei.

Diutronomi 4:44

Ka narane te jifla naiknodi Israel Ijep igne, mare mei ne ghilei au ka glogu ke maghati Khoꞌu biꞌo Jordan, rhegna namono Bet-Peo. Tifa na namono igne neke nogna Sihon mana neke au ka namono Hesbon, eghuteuna mana neke king ka vikegna mae Amoa. Nu mae Moses nei naiknodi Israel igre eghu neke uluni mana neke khotodi nogna glose mana re. Eghuteuna mare jaola neke khotogna nogna glose mae Og king gna Basan. Phei king ka vikegna mae Amoa igre neke khotodi glose ke maghati Khoꞌu biꞌo Jordan, nogna nohi mana igne ke mata funu ka namono Aroa ka glogu Khoꞌu Anon, eghuteuna ke raru na posa ka thogele Sirion, keha nanghagna na Hemon. Eghuteuna glose igne au namono ke maghati Khoꞌu biꞌo Jordan, tei posa ke mata Thongna Lehe ka pesi thogele Pisga. Jare Bet-Peo mae Moses ne tusu lao vetula igre ka naiknodi Israel. Igre u cheke nei vetula nei farirhiu eghu teke chekedi mae Moses ka naiknodi Israel.

Josua 1:15

Ghehati na magra heta mala ghilei uludi namono te gnafa ka keha phile ke mosu Khoꞌu biꞌo Jordan. Lord noda God neke nhaꞌa chekehi te mala tusu mei ka ghehati na. Eghuteuna kate hata kasa ghehati namono teke tusu mei Lord ka ghehati igne na, ghotilo ginauna nake pulo mei ka namono te au ke maghati Khoꞌu biꞌo Jordan.”

Josua 11:17

Nohigna vido igne funu ka thogele Halak ke mata Idom tei posa ka namono Balgad ka sare Lebanon ke raru Thogele Hemon. Mae Josua gne kmana fata tei magra ka mae king te funei ka namono igre ne kafe falehedi mae king igre.

Josua 11:3

Mana jaola fatei cheke ka hatimare mae king te au ke maghati nei ke mosu Kenan. Mana ne fatei cheke igre ka hatimare mae Amo, mae Hit, mae Peres nei mae Jebu te au ka thogele ke holo. Mae Jabin jaola ne fatei cheke igre ka hatimare mae Hivi te au ka pesi Thogele Hemon ka nohi Mispa.

Josua 13:8

Teke vikedi mae Ruben, mae Gad nei mae Manase teu igre ginauna atha vido glose ke maghati khoꞌu Jordan. Naugna mae Moses nogna mae gloku God igne neke tufahi ka mare.

Josua 22:4

Eghuteuna gognarona Lord nomi God ghotilo na ginau tusu ranghidi vikemi ghotilo re pharikeli mala au fakeli ka nomi glose ghotilo re, jateula teke nhaꞌa cheke mana tifa ia. Eghuteuna thofno keli fara ghotilo teke figri ka nomi namonore, ka nomi glose teu te khotodi ghotilo ka keha phile Khoꞌu biꞌo Jordan, aheva Moses teke tusu arihi ka ghotilo tifa ra.

Jajis 11:18

“Leghu lahu na, mare tei salaꞌu fei namono nagou neke lithui ke maghati Idom ghe Moab, eghuteuna mare neke lisei haghe nodi suga tapuale re ka keha phile khoꞌu Anon te nohigna Moab, eghuteuna mare neke theome tei kasa ka nohi igne.