Josua 11:4 - Buka Blahi Ka Cheke Holo

⁴ Hatimare mae king igre nomhini nogna cheke mana igne ne mei balu nodi mae nheta. Nodi armi mae igre kmana fara jateula nusu ka gratha na are eghu mei balu nodi hose nei chariot.

Josua 11:4 Iomraidhean Croise

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 32:12

Tifa na iagho neke nhaꞌa cheke ka iara mala fablahi ghau iara nei mala tusu ranghi ghau iara kmana vike mala kmana fara jateula nusu te theome tangomana te kahadi ka glilihi na are eghu mare neku.”

Fapea Samuel 17:11

“Eghume igne gaoghathogu iara na. Iagho ginauna kilo fodudi mae soldia te gnafa Israel ra, funu ke raru Dan tei posa ke mata Bereseba. Eghuteuna mare ginauna kmana fara jateula nusu ka gratha na are eghu. Aonu iagho kolho te batudi mare te tei ka magra na.

Ululahu Kings 4:20

Ka narane te funei King Solomon igre naiknodi Israel nei naiknodi Juda teu igre vuragha kmana fara jateula nusu ka geri thongna ra eghu theome tangomana te kahadire. Leuleghu narane na mare ghamu nei koꞌu eghu balu glealeꞌa.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.

Josua 11:5

Mae king igre tei ne au ka khoꞌu Merom. Mare salo fodu jare mala tei magra ka mae Israel.

Jajis 7:12

Armigna Midian, nei armigna Amalek, nei armigna ke maghatigna namono nagou teu igre thafru ka sare biꞌo na. Mare kmana fara jateula galho eghu ne thafru vido te gnafa ka sare na. Eghuteuna nodi kamel re jateula nusu ka gratha ra eghu kmana fara theome tangomana te kahadire.

Ululahu Samuel 13:5

Aonu mae soldia di Filistia igre ne kafe mei mala magra ka naiknodi Israel. Mare au thilo thogha chariot mala magra, eghuteuna namno thogha soldia mala chari ka hose, eghuteuna keha mae soldia langau eghu, mare kmana fara jateula nusu ka gratha ra eghu. Mare tei ne au ka namono Mikmas ke maghati Bet-Aven.