Josua 11:2 - Buka Blahi Ka Cheke Holo

² Eghuteuna mana jaola ne fatei cheke ka hatimare mae king te au ka thogele ke raru. Mana jaola fatei cheke ka hatimare mae king te au ka sare khoꞌu Jordan ke mata nei ka thogele ikoi ke mosu thogele Kholo Galili, nei ka mae king gna ke mosu te au ka namono Nafot Dor.

Josua 11:2 Iomraidhean Croise

Ululahu Kings 15:20

Aonu King Ben-Hadad ne kaisei gaoghatho ka nogna cheke King Asa igne ne kurudi hatimare mae komanda balugna nogna armi na ne tei magra Israel. Ka magra igne, King Ben-Hadad ne uludi thilo namono igre, Ijon, Dan nei Abel-Bet-Maka, nei vido te namo ka Kholo Galili, nei ka nohi Naftali.

Ululahu Kings 4:11

Mae Ben Abinadab, mae mala reireghidi namono te au fei thogele ka namono biꞌo Nafa-Dor. Mae Ben Abinadab gne mana tolaghi ka Tafa thugna King Solomon.

Naba 34:11

Aonu ke tei thoke Ribla, ke maghati Aen, eghuteuna ginauna tei thoke ka thogele ke maghati rhegna Kholo Galili.

Luku 1:39

Kau narane tuana, Meri ghosei ne tei filoni nebugna na ka kaisei namono te au holo ka nohi Judia.

Luku 5:1

Kaisei fata, mae Jisas kegra ka gratha Kholo Genesaret. Kmana naikno fara ne kafe khapru mei ka mana mala fanomho ka chekegna God.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Josua 10:6

Mae gna namono Gibeon igne ne fatei cheke ka mae Josua Gilgal, ne cheke eghu ka mana, “Ghosei mei togho ghami! Thosei lisa lao ghami, nu mei fakarhi ghami! Gognarona mae king te gnafa ka vikegna mae Amo te au ka thogele ke holo igre, mare loku foduhi mala mei magra ka ghehati agne.”

Josua 11:16

Mae Josua tei balu nogna armi ne atha namono te gnafa funu ke raru tei posa ke mata. Mare atha thogele ke holo nei fanukhu ke raru nei vido te gnafa Gosen, nei namono nagou ke mata nei sare khoꞌu Jordan.

Josua 11:21

Mae Josua jaola ne roꞌedi vike te kilodi mae Anakim, mae igre mae nheta tulao. Eghuteuna mae igre au ka namono Hebron, Deba, Anab nei ka thogele te gnafa te au ka kantri Juda ghe Israel. Mae Josua ne thofno fahuidi nei goigonidi neu nodi namono mae igre.

Josua 12:23

Dor rhegna tongna ghe Goim ka vido Gilgal,

Josua 12:3

Eghuteuna ke maghati sare Jordan igne fofotagna na funu ke raru Kholo Galili tei posa ka namono Bet Jesimot, rhegna Thongna Ukru ke mata, eghuteuna liu ke mata tei posa ka phesigna thogele Pisga.

Josua 13:27

Ka glogu Jordan, glose igne tei posadi namono Bet-Haran, nei Bet-Nimra, nei Sukot, nei Safon, nei nohi te gnafa te funei frunidi King Sihon, maegna ka namono Hesbon. Eghuteuna fofotadi glose igre ke mosu na funu ka Khoꞌu biꞌo Jordan tei posa ke raru Kholo Galili.

Josua 17:11

Vikegna Manase igne au keha namono ke lamnagna nogna rijon Asa nei nogna rijon Isaka, nanghadi re Bet-San ghe Ibleam, baludi namono ikodi te au falithui igre, baludi namono Endo, nei Tanak, nei Megido nei Doa te au ka geri thongna.

Jajis 1:27

Ka narane tuare, vikegna Manase igre theome kafe khi fajifladi gnafa naiknodi Kenan igre ka nodi vido glose na. Naiknodi Kenan igre au kolho ka namono Bet-San, nei Tanak, nei Doa, nei Ibleam, nei Megido, nei ka namono ikodi te au faligohodi namono tuare.