Josua 11:16 - Buka Blahi Ka Cheke Holo

¹⁶ Mae Josua tei balu nogna armi ne atha namono te gnafa funu ke raru tei posa ke mata. Mare atha thogele ke holo nei fanukhu ke raru nei vido te gnafa Gosen, nei namono nagou ke mata nei sare khoꞌu Jordan.

Josua 11:16 Iomraidhean Croise

Nodi Khoje Hatimare Mae Jiu 105:44

Mana ne snakre lao nodi glose keha naiknore ka nogna naikno thegnare, nei mare jaola hata maladi thedi nagare re.

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Profet Esikiel 17:23

Iara ginauna joꞌu ke kligna gna nodi thogele mae Israel, aheva nate ure ka grege gnare. Uve, ginauna na kaisei famane gaju sida. Kmana nafnata nanghaji ginauna mei au ka gaju igne mala horo nodi gnoku, eghuteuna reꞌe ginauna poru ke lamnadi gregegnare.

Profet Esikiel 36:8

“ ‘Nu ghotilo thogeledi Israel ra! Gregedi gaju te gnafa te kotu ka ghotilo are ginauna ure kmana sisi mala tangomana naiknodi Israel gre te ghamu ghedi na. Theome raugha, naikno igre ginauna tangomana na teke figri ka nodi namono re.

Diutronomi 1:7

Ghotilo jifla tei au ka nodi namono kokhologna mae Amoa ka thogele nei ka glogu Khoꞌu biꞌo Jordan, nei ka nodi namono kokhologna Kenan, nei ka namono nagou ke mata Kenan. Namono igne tei posa ke mosu Thongna Mediterenian, eghuteuna ke raru na tei posa ka Thogele Lebanon, eghuteuna ke mosu na tei posa ka Khoꞌu biꞌo Iufretis.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Josua 10:41

Mae Josua kafe uludi ne gnafa namono te gnafa funu ke mata Kades Banea tei posa ka gratha Gasa, eghuteuna ke funu Gosen tei posa ke raru namono Gibeon.

Josua 11:15

Tifa na Lord neke cheke ka mae Moses nogna mae gloku na. Eghuteuna mae Moses neke tusu lao nogna cheke Lord igre ka mae Josua. Eghume mae Josua ne leghudi nogna cheke mana igre ne edi gobigna lepore jateula teke chekedi Lord ka mae Moses igre neu.

Josua 11:2

Eghuteuna mana jaola ne fatei cheke ka hatimare mae king te au ka thogele ke raru. Mana jaola fatei cheke ka hatimare mae king te au ka sare khoꞌu Jordan ke mata nei ka thogele ikoi ke mosu thogele Kholo Galili, nei ka mae king gna ke mosu te au ka namono Nafot Dor.

Josua 11:21

Mae Josua jaola ne roꞌedi vike te kilodi mae Anakim, mae igre mae nheta tulao. Eghuteuna mae igre au ka namono Hebron, Deba, Anab nei ka thogele te gnafa te au ka kantri Juda ghe Israel. Mae Josua ne thofno fahuidi nei goigonidi neu nodi namono mae igre.

Josua 9:1

Mae Josua baludi maedi Israel igre mare magra ne uludi phei namono biꞌo Jeriko ghe Ai. Eghuteuna nonomho eigna igne ne tei thoke ka mae king te au ka namono te gnafa ke mosu Khoꞌu biꞌo Jordan. Mae king igre funudi ka vikegna mae Hit, ka vikegna mae Amo, ka vikegna mae Kenan, ka vikegna mae Peres, ka vikegna mae Hivi, nei ka vikegna mae Jebus. Mae igre au ka thogele nei ka gukhu ke mosu, nei ka sare rhegna Mediterenian, tei posa ke raru kantri Lebanon. Mare kafe nomhini thoutonu eigna mae Josua igne baludi mae Israel te uludi nodi naokare ka magra igre.