Josua 11:15 - Buka Blahi Ka Cheke Holo

¹⁵ Tifa na Lord neke cheke ka mae Moses nogna mae gloku na. Eghuteuna mae Moses neke tusu lao nogna cheke Lord igre ka mae Josua. Eghume mae Josua ne leghudi nogna cheke mana igre ne edi gobigna lepore jateula teke chekedi Lord ka mae Moses igre neu.

Josua 11:15 Iomraidhean Croise

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Naba 33:50

Kate au teu mare ka sare biꞌo Moab, ka gerigna khoꞌu Jordan ke maghati, ka keha philegna khoꞌu te funu Jeriko na, Lord ne cheke eghu ka mae Moses,

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Matiu 23:23

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo fafara ka God fabothodi ghemi khuromu te ikodi ka nomi thobire. Nu ghotilo theome leghudi kolho glepo te ulu fara ka vetula na igre. Ghotilo mala edi fadoglo gobigna lepo te jafra, nei mala lolokelidi naiknore nei thofno fatutuani ni God. Glepo ikodi igre te mala edi ghotilo re, nu thosei ghatho ihodi langau glepo te biꞌo ka vetula na igre eghu.

Luku 11:42

“Puhi biꞌo ka ghotilo, mae Farasi ra! Naugna ghotilo tangomana te tusu lao ka God kaisei ka fabothodi ghemi khuromu te kilodi mint, nei ruꞌu, nei keha glepo ikoi langau teke hata ka nomi nagare re. Nu ghotilo ghatho ihodi te mala toghodi naiknore nei ghatho iho nila te mala namhani God. Glepo te ikodi igre te mala edi ghotilo re, nu ghotilo thosei ghatho dila glepo te biꞌo are.

Mae Khuru 20:20

Ghotilo lasenihi te toutonuni iara ka ghotilo u Nonomho te Keli gne, eghuteuna iara farirhiu ghami ghotilo farihotei glalaba ka namono biꞌo ba ka sugami ghotilo ra. Kate eni gloku igne, iara theome ghatho peapea te chekeni ka ghotilo glepo te mala togho ghami ghotilo na.

Mae Khuru 20:27

Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Diutronomi 31:3

Nu Lord ginauna tei ke ulumi ghotilo, eghuteuna mana ginauna goigonidi naikno te au ka glose nate tei ghotilo tagna na, eghuteuna ghotilo ginauna khotodi gobigna lepo te au ka nodi glose mare re. Gognarona mae Josua ginauna nate nomi mae lida ghotilo na jateu tela chekenihi Lord ia eghu.

Diutronomi 31:5

Mana ginauna lisa mei ka khamemu iagho mala uludi naiknodi Kenan. Eghume ghotilo mala edi gobigna lepore ka mare thofno jateula tela chekedi hi iara ka ghotilo igre eghu.

Diutronomi 31:7

Aonu mae Moses ne kilo meini mae Josua ke uludi naiknodi Israel ne cheke eghu, “Rheta gaoghathomu na eghuteuna kegra heta fabrahu eghu. Naugna iagho ginauna na batudi naiknore, mala tangomana ghotilo tei te hata glose teke nhaꞌa cheke ni Lord nomi God ka kuꞌemi ghotilo tifa ra.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Josua 1:7

“Kegra heta, thosei mhaghu, ba suaraghi. Leghu fakelidi vetula teke tusu ranghi nigho nogu mae gloku iara mae Moses. Iagho thosei koko kaisei phugra cheke ka vetula teke lilisei ranghi nigho mae Moses igre. Eghume, jame te leghu fakelidi iagho nogna cheke mana igre na, aheva te tei iagho na, iagho ginauna thofno doglo fara unha te magnahaghei edi iaghore.

Josua 11:12

Mae Josua uludi ne gnafa namono igre eghuteuna mana jaola ne atha mae king teke funei frunidi namono igre. Eghuteuna mana ne falelehe ne hui mae king igre leghuni unha teke chekeni mae Moses nogna mae gloku God.

Josua 11:14

Mare ne atha maladi thedi gobigna lepo te keli nei buluka eghu te magnahaghedi mare ka namono igne. Eghuteuna mare ne kafe falelehe ne gnafa naikno te gnafa te au ka namono igre.

Josua 11:16

Mae Josua tei balu nogna armi ne atha namono te gnafa funu ke raru tei posa ke mata. Mare atha thogele ke holo nei fanukhu ke raru nei vido te gnafa Gosen, nei namono nagou ke mata nei sare khoꞌu Jordan.

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.