Josua 11:13 - Buka Blahi Ka Cheke Holo

¹³ Nu mae Israel neke theome gnubra namono teke horo mare ke kligna thogele igre. Neuba, mae Josua ne chekedi nogna mae nhetare neke gnubra kaisei namono Haso igne ngala.

Josua 11:13 Iomraidhean Croise

Profet Jeremaea 30:18

Lord ne cheke eghu, “Iara ginauna kokhonidi vikegna Israel, nei toghodi mare mala thofno keli fara nakarhadire. Mare ginauna nake babana fapulo nodi namono na, eghuteuna lilisei nogna suga biꞌo king na ka thofno vido teke augna na.

Josua 11:12

Mae Josua uludi ne gnafa namono igre eghuteuna mana jaola ne atha mae king teke funei frunidi namono igre. Eghuteuna mana ne falelehe ne hui mae king igre leghuni unha teke chekeni mae Moses nogna mae gloku God.

Josua 11:14

Mare ne atha maladi thedi gobigna lepo te keli nei buluka eghu te magnahaghedi mare ka namono igne. Eghuteuna mare ne kafe falelehe ne gnafa naikno te gnafa te au ka namono igre.

Josua 24:13

Iara teke tusu ari glose igne ka ghotilo baludi gano teke theome kmusa ghotilo ka joꞌudire. Eghuteuna iara jaola neke tusu ari namono igre ka ghotilo teke theome kmusa ghotilo ka babanadi re. Gognarona ghotilo au ka glose igne, eghuteuna ghotilo ghamu sisi grep teke theome kmusa ka glokudi re. Eghuteuna ghotilo jaola hata sisi oliv teke theome kmusa ghotilo ka joꞌudi re.’ ”