Josua 10:6 - Buka Blahi Ka Cheke Holo

⁶ Mae gna namono Gibeon igne ne fatei cheke ka mae Josua Gilgal, ne cheke eghu ka mana, “Ghosei mei togho ghami! Thosei lisa lao ghami, nu mei fakarhi ghami! Gognarona mae king te gnafa ka vikegna mae Amo te au ka thogele ke holo igre, mare loku foduhi mala mei magra ka ghehati agne.”

Josua 10:6 Iomraidhean Croise

Fapea Kings 4:24

Naꞌa saghe ka dongki na ne cheke eghu ka mae gloku na, “Faghose ari, thosei paipalighi, ghilei cheke ranghi nigho iara.”

Nodi Khoje Hatimare Mae Jiu 125:2

Eghume funu gognaro na Lord na toghodi fabrahu nogna naiknore, jateula bukrei thogele te kegra faligohoni Jerusalem are eghu. Thogele igre faligohoni Jerusalem fabrahu.

Profet Isaia 33:22

Lord na noda king tahati, eghuteuna mana fate ghita ka puhi te doglo. Mana farirhiu ghita nogna vetula re eghuteuna mana ginauna na fakarhi ghita.

Naba 13:29

Eghuteuna ghehati filodi vikegna Amalek gre au ke mata, eghuteuna vikegna mae Het, baludi vikegna mae Jebus nei vikegna mae Amoa teure au ka thogele, eghuteuna vikegna mae Kenan gre au ka geri thongna nei ka geri khoꞌu Jordan.”

Luku 1:39

Kau narane tuana, Meri ghosei ne tei filoni nebugna na ka kaisei namono te au holo ka nohi Judia.

Diutronomi 1:15

Eghume iara vavahi mae mala baubatu ka vike te lalase nei au nangha te keli. Eghuteuna iara fablahidi mae igre mala batu ghami ghotilo. Keha ka mare mala komanda ka kaisei thogha mae, eghuteuna keha kaisei gobi mae, eghuteuna keha glimafului mae, eghuteuna keha nabotho mae.

Josua 10:5

Aonu glima mae king vikegna mae Amo igre ne loku fodu, king gna Jerusalem, Hebron, Jamut, Lakis nei Eklon. Mare tei ne kegra ligohoni namono Gibeon ne funu magra ka mare.

Josua 10:7

Aonu mae Josua nomhini igne ne hata nogna armi na baludi nogna mae komandare ne jifla Gilgal ne tei toghodi naikno gna namono Gibeon.

Josua 5:10

Kate au teu mare Gilgal ka sare rhegna Jeriko igne, mare ne eni kaisei Gaghamu Ghasa-Polho ka grafi nabotho fati gna nhigra igne.

Josua 9:15

Mae Josua nei mae lida di Israel teu igre ne nhaꞌa cheke baludi maedi Gibeon mala loku fodu baludi mare te mala au ka pharikeli na.

Josua 9:6

Mare ne tei ka mae Josua baludi naiknodi Israel te au teu Gilgal igre ne cheke eghu ka mare, “Ghehati mei funu ka kantri te khaba fara. Eghuteuna ghehati magnahaghei ghami ghotilo te eni kaisei nhaꞌa cheke balumi ghehati mala kaisei loku fodu tahati.”

Josua 9:8

Mare ne cheke eghu ka mae Josua, “Ghehati tarabanau kolho te mala nou sneka iagho na.” Mae Josua ne ghusna eghu ka mare, “Mae iheire si ghotilo ia? Ghotilo mei funumi aheva?”