Josua 10:5 - Buka Blahi Ka Cheke Holo

⁵ Aonu glima mae king vikegna mae Amo igre ne loku fodu, king gna Jerusalem, Hebron, Jamut, Lakis nei Eklon. Mare tei ne kegra ligohoni namono Gibeon ne funu magra ka mare.

Josua 10:5 Iomraidhean Croise

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”

Profet Jeremaea 34:7

Ka narane tuana nogna armi king gna Babilonia igne magra Jerusalem, nei ka phei namono Lakis ghe Aseka, eghuteuna phei namono igre mare bara te ligoho ka thina. Mae naoka igre mare magra neke uludihi keha namono te gnafa ka kantri Juda.

Naba 13:29

Eghuteuna ghehati filodi vikegna Amalek gre au ke mata, eghuteuna vikegna mae Het, baludi vikegna mae Jebus nei vikegna mae Amoa teure au ka thogele, eghuteuna vikegna mae Kenan gre au ka geri thongna nei ka geri khoꞌu Jordan.”

Josua 10:16

Nu glima mae king igre rikha ne tei poru ka kaisei gluma rhegna namono Makeda.

Josua 10:6

Mae gna namono Gibeon igne ne fatei cheke ka mae Josua Gilgal, ne cheke eghu ka mana, “Ghosei mei togho ghami! Thosei lisa lao ghami, nu mei fakarhi ghami! Gognarona mae king te gnafa ka vikegna mae Amo te au ka thogele ke holo igre, mare loku foduhi mala mei magra ka ghehati agne.”

Ululahu Samuel 7:14

Hatimare maedi Israel neke hata fapulo ka maedi Filistia nodi namono nei vido eghu te au farihoteidi phei namono Ekron ghe Gat. Eghuteuna ka narane igre mare ne au ka pharikeli baludi keha naikno te au ke lamnagna namono Kenan.