Josua 10:4 - Buka Blahi Ka Cheke Holo

⁴ Mana ne cheke eghu tei ka mare, “Ghotilo mei togho ghau iara, mala tei magra tahati ka maedi Gibeon igre, naugna gognarona mare la teihi mala au fodu mare kau pharikeli balugna mae Josua nei hatimare mae Israel.”

Josua 10:4 Iomraidhean Croise

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Jone 15:19

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.

Mae Khuru 21:28

Mare ne eha eghu fabiꞌo, “Ghotilo maemi Israel, togho ghami ghehati! Mae igne tei tongana heva heva cheke fapari ghita tahati nei farirhiudi naiknore mala thosei leghuni nogna vetula mae Moses na, nei cheke faparini noda Sugablahi tahati igne. Eghuteuna gognaro na mana la fatothona Sugablahi gne, naugna mana hata la mei keha mae Griki la ruma ka Sugablahi gne!”

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Josua 10:1

King gna Jerusalem Adonisedek, mana ne mhaghu nogna fara kate nomhini thoutonu eigna mae Josua te hata namono biꞌo Ai, eghuteuna goigonihi namono igne. Mana jateula teke eni ka naiknodi Jeriko balugna nodi king na ia neu ne aknu falehe nodi king mare na. Mana jaola ne nomhidi naiknodi Gibeon te mei au ke parigna mae Josua nei naiknodi Israel.

Josua 10:5

Aonu glima mae king vikegna mae Amo igre ne loku fodu, king gna Jerusalem, Hebron, Jamut, Lakis nei Eklon. Mare tei ne kegra ligohoni namono Gibeon ne funu magra ka mare.

Josua 9:15

Mae Josua nei mae lida di Israel teu igre ne nhaꞌa cheke baludi maedi Gibeon mala loku fodu baludi mare te mala au ka pharikeli na.

Ululahu Pita 4:4

Nu gognaro na ghotilo theome tangomana te edi nafnata puhi te diꞌa baludi iheire te theome fatutuani ni God ra. Eghuteuna mare jaglo nodi fara ka igne, eghume gognaro na mare chekedi kmana nafnata glepo te diꞌa eimi ghotilo.

Thakle 16:14

Thilo naitu igre au nodi nolaghi mala eꞌei kofubobhoi. Aonu thilomare ne tei mala filodi hatimare mae king te gnafa ka nauthoglu gne, mala salo fodudi mare ka narane tuthuana na mala magra balugna God, mae ihei te au nolaghi fateote'o.