Josua 10:39 - Buka Blahi Ka Cheke Holo

³⁹ Mare ne hata namono Deba baludi keha namono te au namo teu ka namono tuana ne aknu falehe ne hui naiknodi namono igre. Mae Josua ne eni nafnata puhi igne ka mae king gna namono Deba jateula teke eni mana ka phei namono Hebron ghe Libna nei hatimare mae king.

Josua 10:39 Iomraidhean Croise

Fapea Kings 10:11

Aonu mae Jehu ne aknu falehe ne gnafa keha mae ka vikegna King Ehab teke au ka namono Jesrel, eghuteuna hatimare mae biꞌo, eghuteuna hatimare mae kheragna fofodu king, eghuteuna nogna mae pris mana re eghu ne kafe lehe, theo kaisei te karha na.

Profet Obadaea 1:18

Vikegna mae Jekop nei goro thugna teu igre ginauna mala jateula khaꞌaghi te roꞌeni namhata biꞌo na ia eghu roꞌeni vikegna mae Iso. Eghuteuna theo kaisei naikno nate karha teu ka vike igne.” Iara Lord te chekeni igne.

Diutronomi 3:3

“Eghume, Lord neke lisa mei King Og baludi nogna soldia ka khameda tahati, eghuteuna tahati neke kafe aknu falehedi neke hui neke ghilei theo kaisei te karha na.

Josua 10:33

Ke leghu, King Horam jifla Gasa ne tei toghodi maedi Lakis. Nu mae Josua ne uluni mae king igne nei mae iheire teke toghoni manare. Eghuteuna mae Josua ne falehedi ne gnafa naiknore ne theo kaisei te karha na.

Josua 10:37

ne hata namono igne. Mare ne aknu falehe ne hui naiknogna namono Hebron balugna nodi mae king na. Mae Josua ne thofno goigonini fara namono Hebron jateula teke eni mana ka namono Eglon ia neu. Theo kaisei naikno te karha na ka namono igne.

Josua 10:38

Ke leghugna igne, mae Josua hata nogna armi na ne tei Deba ne magra jare.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Josua 11:8

Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.

Josua 12:13

Deba ghe Geda,

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Ululahu Samuel 15:8

Mare aknu falehe ne hui naiknodi Amalek, nu mare ne theome faleheni mae Agag nodi king mare na. Eghuteuna mare jaola ne hata famane buluka nei sipu teu igre baludi thudi re, nei keha famane glepo la ngau eghu. Mare ne theome goigoni glepo igre. Nu mare ne goigonidi kolho glepo te theome keli filodi re.