Josua 10:37 - Buka Blahi Ka Cheke Holo

³⁷ ne hata namono igne. Mare ne aknu falehe ne hui naiknogna namono Hebron balugna nodi mae king na. Mae Josua ne thofno goigonini fara namono Hebron jateula teke eni mana ka namono Eglon ia neu. Theo kaisei naikno te karha na ka namono igne.

Josua 10:37 Iomraidhean Croise

Eksodas 17:13

Aonu mae Josua nei hatimare mae Israel gre eghu ne falehedi mae Amalek gre, mare thono theome kokhonidi fara kolho maedi Amalek.

Josua 10:28

Ka narane tuanala mae Josua ne hata namono biꞌo Makeda. Mana aknu falehe ne gnafa naikno gna namono igne. Mana ne eni nafnata puhi igne ka mae king gna namono Makeda jateula teke eni mana ka mae king gna Jeriko ia neu.

Josua 10:35

Mare ne hata namono Eglon ka narane tuanala. Eghuteuna mae Josua ne aknu falehe ne hui mae nalhaꞌugna namono igne jateula teke eni mana ka namono Lakis ia neu.

Josua 10:36

Ke leghugna igne, mae Josua balugna nogna armi na jifla Eglon ne tei Hebron. Mare magra jare,

Josua 10:38

Ke leghugna igne, mae Josua hata nogna armi na ne tei Deba ne magra jare.

Josua 10:39

Mare ne hata namono Deba baludi keha namono te au namo teu ka namono tuana ne aknu falehe ne hui naiknodi namono igre. Mae Josua ne eni nafnata puhi igne ka mae king gna namono Deba jateula teke eni mana ka phei namono Hebron ghe Libna nei hatimare mae king.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Josua 11:12

Mae Josua uludi ne gnafa namono igre eghuteuna mana jaola ne atha mae king teke funei frunidi namono igre. Eghuteuna mana ne falelehe ne hui mae king igre leghuni unha teke chekeni mae Moses nogna mae gloku God.