Josua 10:36 - Buka Blahi Ka Cheke Holo

³⁶ Ke leghugna igne, mae Josua balugna nogna armi na jifla Eglon ne tei Hebron. Mare magra jare,

Josua 10:36 Iomraidhean Croise

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Ululahu Kronikols 12:23

Kate au teu mae Devet ka namono Hebron, kmana soldia te nheta ne mei loku fodu ka nogna soldia mana re. Mare ne toghoni mana mala king tughuni King Sol, leghuni unha teke nhaꞌa chekeni Lord. Mae igre te hata mare te mala tei ka magra na:

Ululahu Kronikols 12:28

Eghuteuna mare jaola ne hata mae Sadok mae ihei te mae nheta tulao ka magra, eghuteuna mana hata ne mei balugna varadaki phei nogna mae lida.

Naba 13:22

Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Josua 10:3

Aonu king Adonisedek ne fatei cheke ka mae Hoham king gna Hebron, nei ka mae Piram king gna Jamut, nei ka mae Jafia king gna Lakis, nei ka mae Deba king gna Eklon.

Josua 10:35

Mare ne hata namono Eglon ka narane tuanala. Eghuteuna mae Josua ne aknu falehe ne hui mae nalhaꞌugna namono igne jateula teke eni mana ka namono Lakis ia neu.

Josua 10:37

ne hata namono igne. Mare ne aknu falehe ne hui naiknogna namono Hebron balugna nodi mae king na. Mae Josua ne thofno goigonini fara namono Hebron jateula teke eni mana ka namono Eglon ia neu. Theo kaisei naikno te karha na ka namono igne.

Josua 10:5

Aonu glima mae king vikegna mae Amo igre ne loku fodu, king gna Jerusalem, Hebron, Jamut, Lakis nei Eklon. Mare tei ne kegra ligohoni namono Gibeon ne funu magra ka mare.

Josua 15:13

Mae Josua ne eni unha teke chekeni Lord ka mana na. Mana ne snakre lao keha nogna vido glose mae Juda ka vikegna mae Kelab. Mae Josua ne snakre lao namono Hebron igne, tifa na mare neke kiloni Kiriat-Aba, gaoghathogna na, “Nogna Namono mae Aba,” eghuteuna Aba gne gragna mae Anak tifa.

Josua 15:54

nei Humta, nei Kiriat-Aba keha nanghagna Hebron, nei Sioa. Igre nheva namono te au ka rijon tuana baludi namono ikodi te gnafa te au faligohodi mare.

Jajis 1:10

Eghuteuna mare tei ne magra ka naiknodi Kenan ka namono Hebron, nanghagna ulu lahu na Kiriat-Aba. Ka namono igne mare ne uludi vikegna Sesae, nei vikegna Ahiman nei vikegna Talmae.

Jajis 1:20

Aonu vikegna Juda igre ne snakre lao Hebron ka Kelab leghuni unha teke chekeni Moses tifa na. Namono igne au tagna thilo vike teke jifla mei ka vikegna mae Anak, nu Kelab neke ngolhi fajifladi ka namono igne.