Josua 10:32 - Buka Blahi Ka Cheke Holo

³² Eghuteuna ka fapea narane na, Lord toghodi mare ne uluni magra igne. Mae Josua ne theome magnahagheni kaisei naikno te karha na, mana aknu falehe ne gnafa mae nalhaꞌure jateula teke eni mana ka namono Libna ia neu.

Josua 10:32 Iomraidhean Croise

Eksodas 17:13

Aonu mae Josua nei hatimare mae Israel gre eghu ne falehedi mae Amalek gre, mare thono theome kokhonidi fara kolho maedi Amalek.

Profet Isaia 37:8

Mae komanda gna Asiria igne laseni tela jiflahi nogna king na Lakis te tei magra ka namono Libna, aonu mana jifla Jerusalem ne tei Libna mala filoni king gna Asiria.

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Josua 10:28

Ka narane tuanala mae Josua ne hata namono biꞌo Makeda. Mana aknu falehe ne gnafa naikno gna namono igne. Mana ne eni nafnata puhi igne ka mae king gna namono Makeda jateula teke eni mana ka mae king gna Jeriko ia neu.

Josua 10:31

Ke leghugna igne, mae Josua balugna nogna armi na jifla Libna ne tei Lakis. Mare bara faligohoni namono igne ne magri hati namono igne.

Josua 10:33

Ke leghu, King Horam jifla Gasa ne tei toghodi maedi Lakis. Nu mae Josua ne uluni mae king igne nei mae iheire teke toghoni manare. Eghuteuna mae Josua ne falehedi ne gnafa naiknore ne theo kaisei te karha na.

Josua 11:12

Mae Josua uludi ne gnafa namono igre eghuteuna mana jaola ne atha mae king teke funei frunidi namono igre. Eghuteuna mana ne falelehe ne hui mae king igre leghuni unha teke chekeni mae Moses nogna mae gloku God.