Josua 10:18 - Buka Blahi Ka Cheke Holo

¹⁸ Aonu mae Josua ne cheke eghu ka nogna armi na, “Ghotilo hata keha thina biꞌo mala tei fofotho foflogna gluma na, eghuteuna lilisei keha mae soldia mala reireghi gluma tuana.

Josua 10:18 Iomraidhean Croise

Thoutonu Eigna Mae Job 21:30

Thoutonu na eghu agne: Ka narane te diꞌatagna God te paradi naiknore, puhi biꞌo theome thokedi naikno te diꞌa re.

Profet Emos 5:19

Narane igne ginauna mei jateula kaisei mae te mhaghu lion te rikha te tei thafoni bea na te lehe ra eghu. Narane igne ginauna mei jateula kaisei mae te pulo mei ka nogna suga na, eghuteuna kaisei mogo kathini kate habo lao mana ka gringnigna suga na ia eghu.

Profet Emos 9:1

Iara neke filoni kaisei mifi teke fakakhana Lord ka iara. Ka mifi igne, iara ne filoni mana te kegra teu rhegna olta ka Sugablahi na, eghuteuna mana ne cheke eghu faheta, “Tututu sagho ke klignadi phei khegra biꞌo ke ulugna Sugablahi na are, mala nghali Sugablahi igne. Koko sukha phei khegra igre mala soru ke klignadi naikno te au teu igre. Eghuteuna iheire te theome lehe ka narane igne, mare ginauna lehe kate tei ka magra na. Ginauna theo kaisei ka mare nate rikha agne na, ba nate tei poru na. Uve, mare te gnafa na mala lehe.

Matiu 27:66

Aonu, mare ne kafe tei ka gluma na ne famane bibilakhi famaku thina biꞌo teke fofothogna gluma na mala theome tangomana kaisei naikno te mei blau thinigna mae Jisas. Eghuteuna mare ne lilisei keha mae soldia mala reireghi fakeli gluma na.

Josua 10:17

Eghuteuna keha mae ne filodi glima mae king igre ne tei cheke ka mae Josua ka vido aheva te poru teu mare na.

Josua 10:19

Nu ghotilo thosei fiti au ka vido igne. Ghotilo tei ke leghudi, thosei lisa laodi mala karha ke pulo mare ka namonodire. Naugna God, noda Lord tahati na la lisa meihi ka khameda tahati. Mana la chekehi te mala uluni tahati u magra na.”

Josua 10:22

Aonu mae Josua ne cheke eghu, “Tothora foflogna khora tuana mala hata mei glima mae king tuare ka iara.”