Josua 10:16 - Buka Blahi Ka Cheke Holo

¹⁶ Nu glima mae king igre rikha ne tei poru ka kaisei gluma rhegna namono Makeda.

Josua 10:16 Iomraidhean Croise

Nodi Khoje Hatimare Mae Jiu 68:12

Mana cheke eghu, “Hatimare mae king nei hatimare mae armi teure la rikhahi.” Eghuteuna goro gaꞌase teke au teku ka namono na ne tufa glepo teke hata hatimare ka magra ra.

Nodi Khoje Hatimare Mae Jiu 68:13

Neuba iheire teke au teku ka namono re, mare neke jaola neke hata famane glepo te keli teke uludi mare ka magra na.

Profet Emos 9:2

Neuba mare ne fariuriu tei pari mala poru ke lamna beku neu, iara tangomana te tei teke hata haghedi kligna re. Eghuteuna neuba mare ne fariuriu rikha ne haghe ka maloa kligna, iara ginauna tangomana teke hata sukhadi pari re.

Profet Maeka 7:17

Mare ginauna agra pari jateula mogo eghu. Eghuteuna kate jifla mei mare ka nodi vido mala poru na, mare ginauna mhaghu fififri fara. Eghuteuna naugna te mhaghu fara mare na, mare ginauna tughu gaoghathodi re mala ghatho tahuni Lord nomi God ghehati.

Josua 10:15

Ke leghugna igne, mae Josua neke pulo Gilgal.

Josua 10:17

Eghuteuna keha mae ne filodi glima mae king igre ne tei cheke ka mae Josua ka vido aheva te poru teu mare na.

Josua 10:5

Aonu glima mae king vikegna mae Amo igre ne loku fodu, king gna Jerusalem, Hebron, Jamut, Lakis nei Eklon. Mare tei ne kegra ligohoni namono Gibeon ne funu magra ka mare.

Thakle 6:15

Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.

Jajis 6:2

Naiknodi Midian igre rheta fara eghuteuna naiknodi Israel igre rikha ne tei ka thogelero ne tei poru ke lamna khora nei ka keha vido mala poru.

Ululahu Samuel 13:6

Aonu mare ne magra ka armi gna Israel. Eghuteuna kate haimini armigna Israel gne nate faꞌiho fara na, mare ne kafe rikha. Mare tei ne poru ke lamna gluma, nei ke lamna soro, ka thina biꞌo, ke lamna khora nei ke lamna khora seu.

Ululahu Samuel 24:3

Mae Sol ne mei ka kaisei gluma rhegna nabrou te au sipu na ne ruma lamna ne tei mata. Nu mae Devet balu nogna soldia mare poru lamna fara ke leghugna gluma tuana.

Ululahu Samuel 24:8

Mae Devet jifla mei ke leghugna mana ne eha eghu tei ka mae Sol, “King!” Kate filo faleghu mae Sol na, mae Devet ghatho tahuni mana ne tuturupuku ne tufru soru pari ka glose na