Josua 10:13 - Buka Blahi Ka Cheke Holo

¹³ Aonu naprai na leghuni cheke igne ne kegra snoto ka kaisei vido, eghuteuna glaba na jaola ne kegra snoto ka kaisei vido ne ghilei thokeni vido te uluni mare magra igne. Mare ne rioriso soru thoutonu igne baludi nogna cheke mae Josua gre ka buka te kiloni mare “Nogna Buka mae Jasa.” Ka narane igne, naprai na ne kegra snoto ka kaisei vido farihotei naublatha, namo kaisei narane thongana.

Josua 10:13 Iomraidhean Croise

Fapea Samuel 1:18

Eghuteuna mana cheke ka mare mala farirhiu khoje diꞌanagnafa igne ka naiknodi Juda. Khoje igne mare kiloi, “Khoje phaloho,” aonu mare ne rioriso soru khoje igne buka Jasa.

Fapea Kings 20:10

Eghuteuna king ne cheke eghu, “Bligi fara naungo igne te tugha faꞌulu nabotho nathapla na! Chekeni sagho naungo igne mala tugha faleghu nabotho nathapla!”

Nogna Buka Esta 8:13

Ghotilo mae funei ra leghuni nogna vetula king igne chekedi naikno te gnafa ra eigna igne. Eghuteuna naikno Jiu te gnafa te au ka provins igne ginauna tarabana mala magridi mae naoka ka narane igne.”

Thoutonu Eigna Mae Job 9:7

Mana tangomana te cheke faheta ka naprai mala thosei haghe hamerane, eghuteuna mana tangomana te lhotidi nathunu gre mala thosei phae soru bongiro.

Nodi Khoje Hatimare Mae Jiu 148:3

Ghopa naprai ghe glabara, ghopa mala kilo fnaknoni mana. Uve, ghotilo nathunura, ghotilo jaola kilo fnaknoni mana.

Nodi Khoje Hatimare Mae Jiu 19:4

Nu nodi chekere la jiflahi ka naikno te gnafa ka nauthoglu gne, eghuteuna nodi chekere la tei posahi ka naikno te au ka sulukhu te gnafa ka nauthoglu gne. God neke eni bongi na mala jateula suga eghu mala plulugna naprai na.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Profet Isaia 38:8

Naungo te au ka nathapla gna suga teke horo King Ehas tifa igne Lord ginauna nake tugha fapulo nabotho nathapla.’ ” Aonu naungo igne nake tugha fapulo nabotho nathapla ka nathapla igne.

Profet Joel 2:10

Kate kafe thugha mei cheche igre na, nauthoglu ghe maloa igre na kafe nghali. Naprai ghe glaba igre ginauna na kafe romno soru, eghuteuna nathunu are ginauna theome agha.

Profet Joel 2:31

Naprai gne ginauna romno soru, eghuteuna glaba gne ginauna ukru jateula dadara eghu. Aonu ke leghugna igne, Nogna Narane Lord te mala fatedi naiknore igne ginauna thoke mei. Igne kaisei narane te mala mhaghuni naiknore.

Profet Joel 3:15

Ka narane tuana, naprai, nei glaba, nei nathunu teu igre ginauna kafe romno soru.

Profet Habaku 3:11

Kate fada iagho nou khuali re, theidi khuali igre umhu fara jateula nakafli eghu, eghuteuna naprai ghe glaba igre ginauna kegra snoto.

Naba 21:14

Uve, kaisei buka te cheke eidi magra teke chekeni Lord eigna namono Waheb jare nohi Sufa, nei eidi gloha Khoꞌu Anon,

Naba 31:2

“Ghotilo ginauna tei falelehe naiknodi Midian ke tughu fapulodi gobigna lepo teke edi mare ka ghotilo ra. Eghuteuna ke leghudi te paradi ghotilo mare na, iagho ginauna lehe.”

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Luku 18:7

Naiknore tanhi bongi narane ka God mala toghodi. Eghuteuna God ginauna tusu ranghidi fabrahu unha glepo te keli na, eghuteuna mana ginauna na theome phaipalighi te mala toghodire.

Mae Khuru 2:20

U naprai na ginauna romno, nei u glaba na ginauna na ukru jateula u dadara eghu. Eghuteuna narane gna Lord te biꞌo nei siasigla teuna ginauna na thakle mei.

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Josua 10:14

Funu tifa te ghilei mei posa ka narane gognarogne, theo kaisei narane te jateula narane tuana teuna. Glepo igne neke eghu, naugna Lord neke nomhini nogna cheke naikno na neke toghodi maedi Israel ka magra.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Thakle 6:12

Aonu kate filo teu iara na, mae Lam na ne hata koko fafamno loke gna buka na. Kaisei nakheu biꞌo ne nghali tongana, eghuteuna naprai na ne theome agha. Heva te heva ka nauthoglu igne na ne kafe romno soru, eghuteuna glaba na ne ukru jateula dadara neu.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.

Jajis 16:28

Aonu Samson ne tarai, “Lord God, ghatho ghau iara. God, ke farheta ghau kaisei fata. Naiknodi Filistia igre bilo kokohi phei tathagu iara gre, eghume iara magnahaghei nigho iagho teke tughu fapulo unha teke eni mare ka iara na.”

Jajis 5:2

“Kilo fnaknoni Lord! “Noda mae mala baubatu tahati ra kegra haghe mala magra, eghuteuna tahati te gnafa na glealeꞌa mala leghudi mare ka magra.