Josua 10:12 - Buka Blahi Ka Cheke Holo

¹² Ka narane igne, Lord ne toghoni mae Josua balu armi gna Israel ne uluni vikegna mae Amo. Eghume, mae Josua ne tarai eghu ka Lord ke uludi naiknore, “Naprai, iagho kegra snoto mala agha soru ke kligna Gibeon. Glaba, iagho kegra snoto mala agha soru ke kligna glogu Aijalon.”

Josua 10:12 Iomraidhean Croise

Fapea Samuel 2:12

Mae Abna hata nogna armi mae Isboset igne ne jifla Mahanaem ne tei ka namono Gibeon.

Fapea Kings 20:10

Eghuteuna king ne cheke eghu, “Bligi fara naungo igne te tugha faꞌulu nabotho nathapla na! Chekeni sagho naungo igne mala tugha faleghu nabotho nathapla!”

Fapea Kings 20:11

Aonu profet Isaia ne tarai ka Lord, eghuteuna Lord ne tugha faleghu nabotho nathapla ka nathapla gna suga teke eni King Ehas tifa na.

Fapea Kings 20:9

Isaia ne cheke eghu ka king, “Lord ginauna eni kaisei fagaglana ka iagho, mala laseni iagho mana te tajini nogna nhaꞌa cheke na. Ba, iagho magnahaghei te filoni naungo na te tugha faꞌulu nabotho nathapla, eghuteuna ke tugha faleghu keha nabotho nathapla re teuna?”

Ululahu Kronikols 8:13

Mae Beri ghe mae Sema igre neke mala baubatu ka vikegna mae Benjamin te au ka namono biꞌo Aejalon. Eghuteuna phiamare jaola neke khi fajifladi naiknodi Gat te au ka vido igne.

Thoutonu Eigna Mae Job 9:7

Mana tangomana te cheke faheta ka naprai mala thosei haghe hamerane, eghuteuna mana tangomana te lhotidi nathunu gre mala thosei phae soru bongiro.

Nodi Khoje Hatimare Mae Jiu 148:3

Ghopa naprai ghe glabara, ghopa mala kilo fnaknoni mana. Uve, ghotilo nathunura, ghotilo jaola kilo fnaknoni mana.

Nodi Khoje Hatimare Mae Jiu 19:4

Nu nodi chekere la jiflahi ka naikno te gnafa ka nauthoglu gne, eghuteuna nodi chekere la tei posahi ka naikno te au ka sulukhu te gnafa ka nauthoglu gne. God neke eni bongi na mala jateula suga eghu mala plulugna naprai na.

Nodi Khoje Hatimare Mae Jiu 74:16

Iagho neke vuavuha narane nei bongi teu gre, eghuteuna iagho neke lilisei naprai nei glaba teu gre ka mala au ka maloa na.

Profet Isaia 28:21

Lord ginauna goigoni ghami ghotilo jateula teke eni mana tifa Filistia ka thogele Perasim nei ka naiknodi Amo ka sare biꞌo Gebiꞌon. Gloku teke ghathoni mala eni teku igne, filogna na ginauna thono jafra ka unha teke filodi ghotilo tifa ra.

Profet Isaia 38:8

Naungo te au ka nathapla gna suga teke horo King Ehas tifa igne Lord ginauna nake tugha fapulo nabotho nathapla.’ ” Aonu naungo igne nake tugha fapulo nabotho nathapla ka nathapla igne.

Profet Isaia 60:20

Narane te ninhigrana teke diꞌanagnafa nei tanhi teku ghotilo ra ginauna hui. Naugna iara Lord, ginauna na jateula nomi naprai nei glaba eghu fabrahu ghotilo.

Profet Jeremaea 28:1

Ka falima nhigra, ka fafati finogha king Sedekaea te funei fruni Juda, Profet Hananaea thugna mae Asur, maegna ka namono Gibeon, mana mei ka Sugablahi gna Lord na ne cheke ka mae Jeremaea ke uludi mae pris baludi naiknore. Mana ne cheke eghu,

Profet Emos 2:9

“Ghotilo nogu naikno iara ra, iara neke togho ghami ghotilo neke falehedi vikegna mae Amo. Vikegna mae Amo igne brahu nei rheta eghu jateula gaju sida ba gaju ok eghu, nu iara neke kafe falehedi gnafa.

Profet Emos 8:9

Igne nogna cheke Lord God na, “Ka narane tuana, iara ginauna chekeni naprai na mala plulu farihotei naublatha, eghuteuna nauthoglu igne ginauna romno soru kate agha teu narane na.

Profet Habaku 2:20

Nu Lord na theome jateula mumuju eghu. Theo. Mana au ka nogna Sugablahi kligna, eghuteuna naikno te gnafa ka nauthoglu igne mala au kmu nei fanomho eghu ka mana.

Profet Habaku 3:11

Kate fada iagho nou khuali re, theidi khuali igre umhu fara jateula nakafli eghu, eghuteuna naprai ghe glaba igre ginauna kegra snoto.

Profet Sekaraea 2:13

Eghume tahati gnafa ka nauthoglu igne mala au kmu ke ulugna Lord, naugna gognarona, mana jifla mei ka nogna vido blahi kligna.

Diutronomi 17:3

Jau mae igne huhughuni nogna vetula Lord na eghuteuna mana tarai ka keha god delei, ba jau mana pogho soru tarai ka naprai, ba glaba, ba ka nathunu.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Josua 10:13

Aonu naprai na leghuni cheke igne ne kegra snoto ka kaisei vido, eghuteuna glaba na jaola ne kegra snoto ka kaisei vido ne ghilei thokeni vido te uluni mare magra igne. Mare ne rioriso soru thoutonu igne baludi nogna cheke mae Josua gre ka buka te kiloni mare “Nogna Buka mae Jasa.” Ka narane igne, naprai na ne kegra snoto ka kaisei vido farihotei naublatha, namo kaisei narane thongana.

Josua 19:42

nei Salabin, nei Aejalon, nei Itla,

Josua 21:24

nei Aejalon, nei Gat-Rimon.

Jajis 12:12

eghuteuna mana lehe, eghuteuna mare giugiluini mana ka namono Aejalon ka nohi Sebulun.

Jajis 5:20

Nathunu ka maloa na igre jaola loku fodu mala magra. Nathunu igre au ka nodi vido re magra ka funei biꞌo Sisera.

Ululahu Samuel 12:18

Aonu mana ne tarai ka Lord, eghuteuna ka narane tuanala, Lord ne kuru mei fila balu nakhete, eghuteuna naiknore ne mhaghu nodi fara ka Lord ghe mae Samuel.

Ululahu Samuel 14:31

Ka narane igne, mare ne goigoni ni armigna Filistia funu Mikmas tei posa Aejalon. Nu mare ne thofno babaꞌo fara, naugna mare rofo ne salaꞌui.