Josua 10:11 - Buka Blahi Ka Cheke Holo

¹¹ Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Josua 10:11 Iomraidhean Croise

Jenesis 19:24

Aonu Lord ne tofa soru kaisei nakhete thina ngire balu khaꞌaghi ke klignadi namono Sodom ghe Gomora.

Fapea Samuel 18:8

Magra igne ne tei tongana mata heva heva ke lamna kantri. Nu mae soldia te lehe ka glepo te diꞌa mata igre kmana fara salaꞌudi mae te lehe ka magra igre.

Thoutonu Eigna Mae Job 38:22

“Ba, iagho thokenihi suga aheva te tathaji iara thina aes na?

Thoutonu Eigna Mae Job 38:23

Iara tathaji glepo igre, tarabana kolho maladi narane te thoke mei puhi biꞌo nei ka magra.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Nodi Khoje Hatimare Mae Jiu 147:17

Mana kuru mei nakhete maku mala soru mei jateula thina eghu, eghuteuna theo kaisei naikno te tangomana te au fakeli ka vido te reka fara na.

Profet Isaia 28:2

Filo ghami ghotilo ia! Lord ginauna kuru mei kaisei mae nheta mala goigonini namono igne. Mana ginauna mei jateula kaisei nakhete thina eghu, ba jateula kaisei saeklon biꞌo, ba jateula kaisei khoꞌu biꞌo te britha te mei te goigonidi gobigna lepo ra eghu.

Profet Isaia 28:21

Lord ginauna goigoni ghami ghotilo jateula teke eni mana tifa Filistia ka thogele Perasim nei ka naiknodi Amo ka sare biꞌo Gebiꞌon. Gloku teke ghathoni mala eni teku igne, filogna na ginauna thono jafra ka unha teke filodi ghotilo tifa ra.

Profet Isaia 30:30

Nu Lord mae ihei te noda King tahati igne, mana toghodi nogna naiknore mala nomhini naoglagna mana te biꞌo na. Eghuteuna mana ginauna na fakakhana nogna nolaghi biꞌo te jateula khaꞌaghi te ghamu fahui gobigna lepo fateo ra teuna ka mare. Mana ginauna mei jateula fila eghu soru mei balu nakhete thina.

Profet Esikiel 13:11

Nu iagho cheke ka mare, iara na kuru mei nakhete biꞌo, thina aes, nei nuri biꞌo, gringni igne ginauna groꞌe khoko soru pari.

Diutronomi 20:4

Naugna Lord nomi God ghotilo na ginauna tei balumi ghotilo mala magra balumi ghotilo ka nomi naoka re, eghuteuna mana ginauna togho ghami ghotilo mala uluni ghotilo magra tuana.’

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 16:21

Eghuteuna ka vido tuana nakhete thina na ne soru mei ka naiknore funu kligna ka maloa na. Galotodi nakhete thina igre tahudire jame glimafulu kilo. Ka vido tuana naiknore ne cheke faparini God kate kuru meini mana nakhete thina igne, naugna papara igne ne thofno diꞌa fara tulao.

Jajis 5:20

Nathunu ka maloa na igre jaola loku fodu mala magra. Nathunu igre au ka nodi vido re magra ka funei biꞌo Sisera.