Josua 10:10 - Buka Blahi Ka Cheke Holo

¹⁰ Eghuteuna kate filoni armi gna Israel igne, nodi soldia mae Amo igre mhaghu nodi fara ne rikha tafri, naugna Lord ne faromno nagnafadire. Mae Josua balu nogna armi ne aknu falehe kmana mae ka mare ka namono igne, eghuteuna ngolhidi kehare leghu nabrou ne tei posa ka thogele te mala haghe ka namono Bet-horon. Mare ngolhi leghudi ne tei aknu falehedi ne ghilei tei posa ke matadi phei namono biꞌo Aseka ghe Makeda.

Josua 10:10 Iomraidhean Croise

Fapea Samuel 22:15

Mana fada ka nogna jatare, aonu nogna naokare kafe rikha tafri. Mana kuru mei nakafli, eghuteuna naiknore ne kafe rikha.

Ululahu Kings 9:17

Aonu King Solomon ne chekedi nogna mae glokure ne horo fabiꞌo namono biꞌo igne jare. Mare horo namono Bet-Horon te au ka pesigna thogele na,

Fapea Kronikols 14:12

Aonu King Asa hata armigna Juda igne ne tei magra ka armigna Kus, aonu Lord ne toghoni Juda mala uluni mare magra igne. Eghuteuna soldia di Kus igre ne kafe rikha.

Fapea Kronikols 25:13

Nu ka narane tuana, soldia di Efrem teke kuru fapulodi Amasaea igre, mare tei ne goigoni nodi namono naiknodi Juda funu Samaria tei posa Bet-Horon. Eghuteuna mare ne aknu falehe thilo thogha naiknodi Juda, eghuteuna mare blau kmana glepo hata neke figri baludi.

Nodi Khoje Hatimare Mae Jiu 18:14

Mana hohoro nakafli ka khoveo ne jateula jata neu ne fadi di nogna naokare, aonu mare ne rikha ne theo tokadi.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Nodi Khoje Hatimare Mae Jiu 68:14

Ka narane igne God mae ihei te au nolaghi te biꞌo na neke tapla sorudi hatimare mae king, aonu nhubradi hatimare armi ne chara ka thogele biꞌo Salmon neku.

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Profet Isaia 28:21

Lord ginauna goigoni ghami ghotilo jateula teke eni mana tifa Filistia ka thogele Perasim nei ka naiknodi Amo ka sare biꞌo Gebiꞌon. Gloku teke ghathoni mala eni teku igne, filogna na ginauna thono jafra ka unha teke filodi ghotilo tifa ra.

Profet Isaia 30:30

Nu Lord mae ihei te noda King tahati igne, mana toghodi nogna naiknore mala nomhini naoglagna mana te biꞌo na. Eghuteuna mana ginauna na fakakhana nogna nolaghi biꞌo te jateula khaꞌaghi te ghamu fahui gobigna lepo fateo ra teuna ka mare. Mana ginauna mei jateula fila eghu soru mei balu nakhete thina.

Profet Jeremaea 34:7

Ka narane tuana nogna armi king gna Babilonia igne magra Jerusalem, nei ka phei namono Lakis ghe Aseka, eghuteuna phei namono igre mare bara te ligoho ka thina. Mae naoka igre mare magra neke uludihi keha namono te gnafa ka kantri Juda.

Profet Sekaraea 14:3

Aonu Lord ginauna jifla tei mala magra ka kantri igre jateula puhi te sughu eni fabrahu mana tifa kate magra na.

Diutronomi 7:23

Nu Lord ginauna tusu ari ka ghotilo nodi glose naiknore. Eghuteuna naikno teke khotogna glose igne ginauna mhaghu nodi fara na theome tangomana te eni unha na, ghilei aknu falehe gnafa ghotilo naiknore.

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Josua 10:28

Ka narane tuanala mae Josua ne hata namono biꞌo Makeda. Mana aknu falehe ne gnafa naikno gna namono igne. Mana ne eni nafnata puhi igne ka mae king gna namono Makeda jateula teke eni mana ka mae king gna Jeriko ia neu.

Josua 10:9

Bongi thongana igne, mae Josua balu nogna armi jifla Gilgal ne tei Gibeon. Mare ne posa lao hamerane boibongi kate theome tarabana teu nodi soldia mae Amo igre.

Josua 11:8

Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.

Josua 12:16

Makeda ghe Betel,

Josua 15:35

nei Jamut, nei Adulam, nei Soko, nei Aseka,

Josua 15:41

nei Gederot, nei Bet-Dagon, nei Nama, nei Makeda. Igre nabotho namno namono te au ka rijon tuana baludi namono ikodi te au faligohodi mare.

Josua 16:3

Aonu, figri tei ke mosu aheva te tei te posani fofotagna nodi nohi vikegna mae Jaflet tifa ia, eghuteuna ke tei me posani namono te kiloi Bet-Horon Pari, eghuteuna ke tei me posani namono Gesa, eghuteuna tei me gnafa ka Thongna Mediterenian.

Josua 16:5

Ke mata na nodi nohi glose vikegna mae Efrem mare te khotogna funu ka namono Atarot-Ada ke maghati na, eghuteuna haghe ka namono te kiloi mare Bet-Horon Holo,

Josua 21:22

nei Kibsaem, nei Bet-Horon.

Jajis 4:15

Eghuteuna kate funu magra mare na, Lord ne famhaghuni Sisera baludi nogna soldiare, aonu mare ne chari tafri jateula naikno te nolira neu ka vido igne. Sisera ne krofu soru ka nogna chariot na ne funu rikha.

Jajis 4:16

Keha nogna soldia Sisera re ne rikha, nu Barak balugna nogna mae soldiare ne ngohlidi mare te thoke ka namono Haroset-Ha-Goeim. Mare aknu falehe ne hui nogna soldia Sisera re eghuteuna theo kaisei te karha na.

Jajis 5:20

Nathunu ka maloa na igre jaola loku fodu mala magra. Nathunu igre au ka nodi vido re magra ka funei biꞌo Sisera.

Ululahu Samuel 13:18

Eghuteuna keha tothoghei na ne leghuni ne tei nabrou ke mosu Bet-Horon. Eghuteuna fatilo tothoghei na ne tei ka thogele aheva mare tangomana te filo soru ka glogu Seboim ke maghati namono nagou.

Ululahu Samuel 17:1

Kaisei fata, armi gna Filistia tarabana mala mei magra ka naiknodi Israel, mare haghe ne loku fodu Soko, kaisei namono ka nohi Juda. Mare mei ne au fari hoteidi phei namono Soko ghe Aseka ka vido te kiloni mare Efes-Damin.