Josua 1:6 - Buka Blahi Ka Cheke Holo

⁶ Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Josua 1:6 Iomraidhean Croise

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Fapea Samuel 10:12

Iagho thosei mhaghu! Iagho magra heta mala fakarhidi noda naiknora, nei nogna namono God ra. Lord ginauna eni unha te magnahagheni mana na.”

Ululahu Kings 2:2

“Nogu narane iara te mala lehe na la namohi, iagho kegra heta jateula nalhaꞌu eghu.

Ululahu Kronikols 22:13

Ghema Solomon! Jame leghudi iagho vetula nei farirhiu eghu teke tusu lao Lord ka mae Moses tifa ra meuna, gobigna lepo te edi iagho re ginauna thofno keli fara. Iagho kegra heta leghu fata, ba thosei mhaghu. Eghuteuna thosei snakreni gaoghathomu na glaꞌe soru.

Ululahu Kronikols 28:10

Fanomho fakeli iagho ia, naugna Lord neke vahi nigho iaghohi te mala horo nogna Sugablahi mana na. Eghume, iagho mala kegra heta, iagho mala loku ghilei gnafa gloku igne.”

Ululahu Kronikols 28:20

Aonu King Devet neke cheke eghu ka mae Solomon, “Iagho thosei mhaghu, kegra heta mala eni gloku igne, naugna Lord nogu God iara na au balumu iagho. Mana ginauna togho nigho nei mana ginauna au fabrahu balumu iagho kate loku fahui iagho Sugablahi igne.

Fapea Kronikols 15:7

Nu ghotilo mala au heta, eghuteuna gaoghathomi ghotilo re mala thosei glaꞌe soru. Iara ginauna tusu ari glepo te keli ka ghotilo eidi gloku te keli teke edi ghotilo ra.”

Fapea Kronikols 20:11

Nu gognarona mare mei tughu fapulo puhidi kuꞌemi ghehati ra, mare fariuriu khi fajifla ghami ka namono teke tusu mei iagho ka ghehati igne.

Fapea Kronikols 20:7

Nomi God, iagho neke khi fajifladi naikno teke kulu au ka namono igne, eghuteuna iagho neke snakre lao namono igne ka kuꞌemi ghehati ra mala au fabrahu tagna. Naikno tura vikegna Ebraham kheramu iagho ia.

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Profet Hagae 2:4

Nu iagho Serababel, iagho mae Josua, naikno te gnafa ka namono igne, heta gaoghathomi are. Iara Lord mae ihei te nolaghi fara, iara cheke fadoglo ka ghotilo: Iara magnahaghe ghami ghotilo te gnafa mala loku, naugna iara au balumi ghotilo.

Profet Sekaraea 8:9

Lord ne cheke eghu, “Naiknodi Israel! Ghotilo iheire te nomhidi cheke teke cheke mae profet ka narane teke eni mare thina famamhaku gna nogu Sugablahi iara Lord mae ihei te au nolaghi fateote'o. Ghotilo mala famamhaku nagnafami re, mala tangomana ghotilo te loku fagnafa suga igne.

Naba 26:53

“Ghotilo ginauna fofota vido glose nate tusu ari iara tami na ka vike ghotilo re, leghudi khaputudi mare re.

Naba 33:53

Ghotilo ginauna uluni vido glose tuana, eghuteuna au tagna eghu, naugna iara tufa ari vido tuana mala khotogna ghotilo.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Diutronomi 11:8

Mae Moses ne cheke eghu, “Ghotilo mala leghudi vetula te tusu ari iara ka ghotilo gognaro gre, ka puhi igne ghotilo ginauna au nomi nolaghi te mala hata glose kate kasa ghotilo ka Khoꞌu biꞌo Jordan.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Josua 1:18

Eghuteuna ihei te huhughu nigho ba te theome leghuni nou cheke iagho na, naikno tuana ginauna lehe. Nu iagho kegra heta fabrahu, thosei mhaghu ba suaraghi.”

Josua 1:7

“Kegra heta, thosei mhaghu, ba suaraghi. Leghu fakelidi vetula teke tusu ranghi nigho nogu mae gloku iara mae Moses. Iagho thosei koko kaisei phugra cheke ka vetula teke lilisei ranghi nigho mae Moses igre. Eghume, jame te leghu fakelidi iagho nogna cheke mana igre na, aheva te tei iagho na, iagho ginauna thofno doglo fara unha te magnahaghei edi iaghore.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Josua 10:25

Eghuteuna mae Josua ne cheke eghu ka naikno te gnafa Israel igre, “Thosei mhaghu nei bobolo eghu, nu kegra heta, naugna Lord ginauna togho ghami ghotilo jateula teke eni mana ka ghotilo ia eghu.”

Josua 13:6

“Eghuteuna ghotilo jaola theome athau nodi vido glose mae Saedon te au farihotei Thogele Lebanon nei Misrefot Maim. Nu iara ginauna khi fajifladi vike te au ka vido igne, eghuteuna ghotilo mae Israel ra ginauna atha nodi namono mare igre. Iagho tufa vido glose igre ka vike te gnafa Israel igre mala nodi mare. Iagho leghuni unha te chekeni iara ka iagho igne.

Josua 18:3

Aonu mae Josua ne cheke eghu ka mare, “Niha fata ofou ame hata nomi glose nga eghu si ghotilo ia? Lord nodi God kuꞌemi ghotilo tifa ra teke tufahi glose igne ka tahati. Tei si ghotilo hata nomi glose.

Josua 21:43

Aonu Lord neke tusu lao glose ka vikegna Israel. Igre glose teke nhaꞌa cheke mana ka kuꞌedi mare tifa ra. Eghuteuna kate khotodi mare glose igre, mare ne ei nodi namono tadi.

Ululahu Samuel 4:9

Tahati mala kegra heta! Jame te theo na, tahati ginauna mala nodi naikno sneka mae Hibru kolho, jateula mare teke noda naikno sneka tahati tifa ra eghu. Uve, tahati nalhaꞌu sia! Gognarona tahati mala magra heta!”