Josua 1:18 - Buka Blahi Ka Cheke Holo

¹⁸ Eghuteuna ihei te huhughu nigho ba te theome leghuni nou cheke iagho na, naikno tuana ginauna lehe. Nu iagho kegra heta fabrahu, thosei mhaghu ba suaraghi.”

Josua 1:18 Iomraidhean Croise

Esra 10:4

Nou gloku iagho te mala fadoglidi puhi biꞌo igre. Eghume, iagho thosei mhaghu. Kegra haghe faghose fadoglidi puhi igre. Eghuteuna ghehati ginauna au ka pharikeli balumu iagho mala leghudi nou cheke iagho re.”

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Josua 1:17

Ghehati ginauna leghu nigho, jateula teke leghuni ghehati mae Moses tifa ia eghu. Eghuteuna nou Lord nei nou God teu iagho igne ginau au balumu iagho jateula teke au mana balugna mae Moses ia eghu.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Josua 2:1

Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.

Ululahu Samuel 11:12

Aonu naiknore ne cheke eghu ka mae Samuel, “Ahevau mae teke cheke eghu ra, ‘Theome doglo mae Sol te kegra king ka tahati na teku ra?’ Hata mei agne mala aknu falehedi tahati!”