Josua 1:1 - Buka Blahi Ka Cheke Holo

¹ Ke leghugna te lehe mae Moses nogna mae gloku Lord igne, Lord ne cheke ka Josua thugna mae Nun, mae ihei teke toghoni mae Moses.

Josua 1:1 Iomraidhean Croise

Ululahu Kings 19:16

Eghuteuna iagho tofa oel ka phaꞌugna mae Jehu, thugna mae Nimsi mala king gna Israel. Eghuteuna iagho tofa oel ka phaꞌugna mae Elisa, thugna mae Safat maegna Abel-Mehola, fablahini mana mala profet ke tughu nigho iagho.

Fapea Kings 3:11

Nu King Jehosafat ne ghusna eghu, “Theo kaisei nogna profet Lord te au agne na? Jame au teu mana agne na, tahati na tei filoni mana mala laseni gaoghathogna Lord na.” Aonu kaisei nogna komanda King Joram na ne cheke eghu, “Mae Elisa, thugna mae Safat na au agne. Tifa na mana neke loku ranghini mae profet Elija.”

Nehemaea 8:17

Eghuteuna naikno teke pulo mei funudi Babilonia igre ne horo nodi grorofe ikodi ne au tadi. Funu ka naranegna mae Josua thugna mae Nun te mei posa ka narane igne, vikegna Israel igne theome eni narane biꞌo igne. Eghuteuna mare te gnafa na ne thofno glealeꞌa fara.

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Naba 11:28

Mae Josua thugna mae Nun mae ihei teke toghoni mae Moses kani majaghani gna teku na, mana tei ka mae Moses ne cheke eghu, “Nogu mae velepuhi ia, chekedi mare mala kmu!”

Naba 12:7

Nu iara theome eghu ka mae Moses mae ihei te kaisei nogu mae gloku iara na. Mana kolho mae lidadi nogu naikno iara re.

Naba 13:16

Igre nabotho phei mae teke kuru tei mae Moses mala tei filoni vido Kenan na. Eghuteuna mana neke tughu nanghagna Hosea thugna mae Nun na, ne kiloni mana Josua.

Naba 13:8

Ka vikegna mae Efrem na, mana ne vahini mae Hosea, thugna mae Nun.

Luku 16:10

“Mae ihei te loku fakeli ka glepo te ikoi na, mana jaola na loku fakeli ka glepo te biꞌo na. Eghuteuna mae ihei te theome loku fakeli ka glepo te ikoi na, mana eghu la na theome loku fakeli ka glepo te biꞌo na.

Mae Khuru 7:45

Ke leghu, mae Josua na neke batudi mae ku'edara neke tei magra hatini namono majaghani na ka keha vike teke kulu au jare na. God toghodi mare ne brue fadeleidi naikno bongihehe tuare mala ke ruma haghe ka namono tuana vikeda tahati ra. Kate tei vikeda tahati re ka namono majaghani igne, mare ne hata baludi suga tapuale igne. Mare neke hata ka mae kmadire suga tapuale igne, eghuteuna tathaji meu me ghilei thokeni narane gna mae King Devet.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Diutronomi 1:38

Mae Josua thugna mae Nun, mae ihei te togho nigho iagho igne, mana ginauna tangomana nate baubatudi naiknodi Israel igre mala tei hata namono igne. Eghuteuna iagho mala farerheta gaoghathogna mana na.’

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Diutronomi 31:3

Nu Lord ginauna tei ke ulumi ghotilo, eghuteuna mana ginauna goigonidi naikno te au ka glose nate tei ghotilo tagna na, eghuteuna ghotilo ginauna khotodi gobigna lepo te au ka nodi glose mare re. Gognarona mae Josua ginauna nate nomi mae lida ghotilo na jateu tela chekenihi Lord ia eghu.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Diutronomi 34:12

Theo kaisei profet tangomana te fakakhana nolaghi biꞌo te mamhaghuana te edi mae Moses ke uludi naiknodi Israel.

Diutronomi 34:5

Aonu, mae Moses nogna mae gloku Lord igne ne lehe jare Moab, ne thofno horoghoto ka chekegna Lord na.

Diutronomi 34:9

Eghuteuna mae Josua thugna mae Nun neke tughuni mae Moses, eghuteuna Lord ne toghoni mae Josua ne lalase fara, naugna mae Moses neke taofinihi mana. Aonu naiknodi Israel igre ne leghuni mana ne edi jateula teke chekedi Lord ka mae Moses ra neu.

Taetus 1:1

Ranghi nigho iagho ghema Taetus. Uve ghema, iara mae Pol nogna mae gloku God nei nogna mae khuru mae Jisas Kraes. Mae Jisas Kraes neke vahi ghau iara mala toghodi nei famane farirhiudi eghu naikno teke vavahi God re mala kotu biꞌo eghu nodi fatutuani na. Nu u gloku te eni iara igne farirhiudi naiknore u thofno farirhiu tutuani eigna God. Eghume, u farirhiu tutuani te eni iara igne toghodi fara naiknore mala leghudi mare u nafnata nakarha te magnahagheni God na.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Josua 1:15

Ghehati na magra heta mala ghilei uludi namono te gnafa ka keha phile ke mosu Khoꞌu biꞌo Jordan. Lord noda God neke nhaꞌa chekehi te mala tusu mei ka ghehati na. Eghuteuna kate hata kasa ghehati namono teke tusu mei Lord ka ghehati igne na, ghotilo ginauna nake pulo mei ka namono te au ke maghati Khoꞌu biꞌo Jordan.”

Josua 1:2

Lord ne cheke eghu ka mae Josua, “Nogu mae gloku iara Moses ia la lehehi, nu gognarona, ghotilo tarabana mala tei kasa ka Khoꞌu biꞌo Jordan, mala tei ka namono teke magnahagheni iara mala au ghotilo teku ia.

Josua 12:6

Kate uludi phei mae king igre ka magra na, mae Moses nogna mae gloku God igne ne tufa glose igne ka vikedi mae Ruben, mae Gad, nei ka vikegna mae Manase te au ke maghati.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.